Акафист христу, читать акафист господу иисусу

Молитва от уныния акафист Господу нашему Иисусу Сладчайшему — Философия

Акафист Христу, читать акафист Господу Иисусу

Текст акафиста Иисусу Сладчайшему входит в состав подавляющего большинства православных молитвословов, несмотря на то, что его чтение не является обязательным, как, например, чтение канонов перед причастием.

Этот акафист Господу Иисусу Христу, несомненно, один из самых трогательных – его содержание посвящено Спасителю, который настолько возлюбил людей, что принял страшные муки и крестную смерть, чтобы даровать человечеству спасение.

Текст акафиста Иисусу восторженно-хвалебный: в нем в соответствии с жанром описывается житие Сына Божьего, пришедшего на землю в образе человеческом, а также воспеваются все достоинства Иисуса: человеколюбие, чистота, кротость, смирение и остальные.

История возникновения акафиста Сладчайшему Иисусу Христу

Исследователи считают, что акафист Господу нашему Иисусу Христу один из древнейших – самый первый его список датируется XIII веком. Это – один из первых религиозных гимнов, имеющих структуру акафиста, то есть состоящий из 12 икосов и 12 кондаков.

В православной терминологии икосами называются длинные строфы, восхваляющие черты Того, Кому посвящен гимн, которые в акафисте Иисусу Сладчайшему оканчиваются словами «Иисусе, сыне Божий, помилуй мя», а кондаками – строфы более короткие, лаконично передающие суть акафиста, которые всегда заканчиваются возгласом «Аллилуйя».

Любой акафист содержит двенадцать икосов и тринадцать кондаков, причем последний кондак, по правилам, читается трижды, после чего вновь повторяется первый икос, и в заключение молящийся читает молитву.

Во время чтения акафиста Господу нашему Иисусу Христу не принято сидеть – это песнь, слушать и читать которую принято стоя, а заключительная молитва часто читается коленопреклоненно.

В каких случаях принято читать акафист сладчайшему иисусу христу?

Акафист Иисусу Сладчайшему, как и любой другой, можно читать в разных душевных состояниях – он одинаково хорош в моменты умиления, радости, покаяния, горя. Акафист – это песнь универсальная, читать которую можно в любое время дня и ночи, по желанию присоединяя к своему утреннему или вечернему правилу, либо же читая отдельно.

Но чаще всего читать и слушать трогательный акафист Иисусу священнослужители советуют в моменты уныния, депрессии, отчаяния, когда опускаются руки и кажется, что выхода из сложившейся ситуации нет.

 Слушать на видео акафист Господу нашему Иисусу Сладчайшему

Православный текст акафиста Сладчайшему Иисусу Христу

Кондак 1

Возбранный Воеводо и Господи, ада победителю, яко избавлься от вечныя смерти, похвальная восписую Ти, создание и раб Твой; но, яко имеяй милосердие неизреченное, от всяких мя бед свободи, зовуща: Иисусе, Сыне Божий, помилуй мя.

Икос 1

Ангелов Творче и Господи cил, отверзи ми недоуменный ум и язык на похвалу пречистаго Твоего имене, якоже глухому и гугнивому древле слух и язык отверзл еси, и, глаголаше зовый таковая: Иисусе пречудный, aнгелов удивление; Иисусе пресильный, прародителей избавление. Иисусе пресладкий, патриархов величание; Иисусе преславный, царей укрепление.

Иисусе прелюбимый, пророков исполнение; Иисусе предивный, мучеников крепосте. Иисусе претихий, монахов радосте; Иисусе премилостивый, пресвитеров сладосте. Иисусе премилосердый, постников воздержание; Иисусе пресладостный, преподобных радование. Иисусе пречестный, девственных целомудрие; Иисусе предвечный, грешников спасение.

Иисусе, Сыне Божий, помилуй мя.

Кондак 2

Видя вдовицу зельне плачущу, Господи, якоже бо тогда умилосердився, сына ея на погребение несома воскресил еси; сице и о мне умилосердися, Человеколюбче, и грехми умерщвленную мою душу воскреси, зовущую: Аллилуиа.

Икос 2

Разум неуразуменный разумети Филипп ища, Господи, покажи нам Отца, глаголаше; Ты же к нему: толикое время сый со Мною, не познал ли еси, яко Отец во Мне, и Аз во Отце есмь? Темже, Неизследованне, со страхом зову Ти: Иисусе, Боже предвечный; Иисусе, Царю пресильный.

Иисусе, Владыко долготерпеливый; Иисусе, Спасе премилостивый. Иисусе, хранителю мой преблагий; Иисусе, очисти грехи моя. Иисусе, отыми беззакония моя; Иисусе, отпусти неправды моя. Иисусе, надеждо моя, не остави мене; Иисусе, помощниче мой, не отрини мене.

Иисусе, Создателю мой, не забуди мене; Иисусе, Пастырю мой, не погуби мене. Иисусе, Сыне Божий, помилуй мя.

Кондак 3

Силою свыше апостолы облекий, Иисусе, во Иерусалиме седящия, облецы и мене, обнаженнаго от всякаго благотворения, теплотою Духа Святаго Твоего и даждь ми с любвью пети Тебе: Аллилуиа.

Икос 3

Имеяй богатство милосердия, мытари и грешники, и неверныя призвал еси, Иисусе; не презри и мене ныне, подобнаго им, но, яко многоценное миро, приими песнь сию: Иисусе, сило непобедимая; Иисусе, милосте безконечная. Иисусе, красото пресветлая; Иисусе, любы неизреченная.

Иисусе, Сыне Бога Живаго; Иисусе, помилуй мя грешнаго. Иисусе, услыши мя в беззакониих зачатаго; Иисусе, очисти мя во гресех рожденнаго. Иисусе, научи мя непотребнаго; Иисусе, освети мя темнаго. Иисусе, очисти мя сквернаго; Иисусе, возведи мя блуднаго.

Иисусе, Сыне Божий, помилуй мя.

Кондак 4

Бурю внутрь имеяй помышлений сумнительных, Петр утопаше; узрев же во плоти Тя суща, Иисусе, и по водам ходяща, позна Тя Бога истиннаго и, руку спасения получив, рече: Аллилуиа.

Икос 4

Слыша слепый мимоходяща Тя, Господи, путем вопияше: Иисусе, Сыне Давидов, помилуй мя! И, призвав, отверзл еси очи его. Просвети убо милостию Твоею очи мысленныя сердца и мене, вопиюща Ти и глаголюща: Иисусе, вышних Создателю; Иисусе, нижних Искупителю.

Иисусе, преисподних потребителю; Иисусе, всея твари украсителю. Иисусе, души моея утешителю; Иисусе, ума моего просветителю. Иисусе, сердца моего веселие; Иисусе, тела моего здравие. Иисусе, Спасе мой, спаси мя; Иисусе, свете мой, просвети мя.

Иисусе, муки всякия избави мя; Иисусе, спаси мя, недостойнаго. Иисусе, Сыне Божий, помилуй мя.

Кондак 5

Боготочною Кровию якоже искупил еси нас древле от законныя клятвы, Иисусе, сице изми нас от сети, еюже змий запят ны страстьми плотскими, и блудным наваждением, и злым унынием, вопиющия Ти: Аллилуиа.

Икос 5

Видевше отроцы еврейстии во образе человечестем Создавшаго рукою человека, и Владыку разумевше Его, потщашася ветвьми угодити Ему, осанна вопиюще. Мы же песнь приносим Ти, глаголюще: Иисусе, Боже истинный; Иисусе, Сыне Давидов. Иисусе, Царю преславный; Иисусе, Агнче непорочный.

Иисусе, Пастырю предивный; Иисусе, хранителю во младости моей. Иисусе, кормителю во юности моей; Иисусе, похвало в старости моей. Иисусе, надежде в смерти моей; Иисусе, животе по смерти моей. Иисусе, утешение мое на суде Твоем; Иисусе, желание мое, не посрами мене тогда.

Иисусе, Сыне Божий, помилуй мя.

Кондак 6

Проповедник богоносных вещание и глаголы исполняя, Иисусе, на земли явлься и с человеки Невместимый пожил еси, и болезни наша подъял еси, отнюдуже ранами Твоими мы исцелевше, пети навыкохом: Аллилуиа.

Икос 6

Возсия вселенней просвещение истины Твоея, и отгнася лесть бесовская: идоли бо, Спасе наш, не терпяще Твоея крепости, падоша. Мы же, спасение получивше, вопием Ти: Иисусе, истино, лесть отгонящая; Иисусе, свете, превышший всех светлостей. Иисусе, Царю, премогаяй всех крепости; Иисусе, Боже, пребываяй в милости.

Иисусе, Хлебе Животный, насыти мя алчущаго; Иисусе, источниче разума, напой мя жаждущаго. Иисусе, одеждо веселия, одей мя тленнаго; Иисусе, покрове радости, покрый мя недостойнаго. Иисусе, подателю просящим, даждь мне плач за грехи моя; Иисусе, обретение ищущим, обрящи душу мою.

Иисусе, отверзителю толкущим, отверзи сердце мое окаянное; Иисусе, Искупителю грешных, очисти беззакония моя. Иисусе, Сыне Божий, помилуй мя.

Кондак 7

Хотя сокровенную тайну от века открыти, яко овча на заколение веден был еси, Иисусе, и яко агнец прямо стригущаго его безгласен, и яко Бог из мертвых воскресл еси, и со славою на небеса вознеслся еси, и нас совоздвигл еси, зовущих: Аллилуиа.

Икос 7

Дивную показа тварь, явлейся Творец нам: без семене от Девы воплотися, из гроба, печати не рушив, воскресе, и ко апостолом, дверем затворенным, с плотию вниде. Темже чудящеся, воспоим: Иисусе, Слове необыменный; Иисусе, Слове несоглядаемый.

Иисусе, сило непостижимая; Иисусе, мудросте недомыслимая. Иисусе, Божество неописанное; Иисусе, господство неисчетное. Иисусе, царство непобедимое; Иисусе, владычество безконечное. Иисусе, крепосте высочайшая; Иисусе, власте вечная.

Иисусе, Творче мой, ущедри мя; Иисусе, Спасе мой, спаси мя. Иисусе, Сыне Божий, помилуй мя.

Кондак 8

Странно Бога вочеловечшася видяще, устранимся суетнаго мира и ум на Божественная возложим. Сего бо ради Бог на землю сниде, да нас на небеса возведет, вопиющих Ему: Аллилуиа.

Икос 8

Весь бе в нижних, и вышних никакоже отступи Неисчетный, егда волею нас ради пострада, и смертию Своею нашу смерть умертви, и воскресением живот дарова поющим: Иисусе, сладосте сердечная; Иисусе, крепосте телесная. Иисусе, светлосте душевная; Иисусе, быстрото умная.

Иисусе, радосте совестная; Иисусе, надеждо известная. Иисусе, памяте предвечная; Иисусе, похвало высокая. Иисусе, славо моя превознесенная; Иисусе, желание мое, не отрини мене. Иисусе, Пастырю мой, взыщи мене; Иисусе, Спасе мой, спаси мене. Иисусе, Сыне Божий, помилуй мя.

Кондак 9

Все естество ангельское безпрестани славит пресвятое имя Твое, Иисусе, на небеси: Свят, Свят, Свят, вопиюще; мы же, грешнии на земли бренными устнами вопием: Аллилуиа.

Икос 9

Ветия многовещанны, якоже рыбы безгласныя видим о Тебе, Иисусе, Спасе наш: недоумеют бо глаголати, како Бог непреложний и человек совершенный пребываеши? Мы же таинству дивящеся, вопием верно: Иисусе, Боже предвечный; Иисусе, Царю царствующих.

Иисусе, Владыко владеющих; Иисусе, Судие живых и мертвых. Иисусе, надеждо ненадежных; Иисусе, утешение плачущих. Иисусе, славо нищих; Иисусе, не осуди мя по делом моим. Иисусе, очисти мя по милости Твоей; Иисусе, отжени от мене уныние.

Иисусе, просвети моя мысли сердечныя; Иисусе, даждь ми память смертную. Иисусе, Сыне Божий, помилуй мя.

Кондак 10

Спасти хотя мир, Восточе востоком, к темному западу — естеству нашему пришед, смирился еси до смерти; темже превознесеся имя Твое паче всякаго имене, и от всех колен небесных и земных слышиши: Аллилуиа.

Икос 10

Царю Превечный, Утешителю, Христе истинный, очисти ны от всякия скверны, якоже очистил еси десять прокаженных, и исцели ны, якоже исцелил еси сребролюбивую душу Закхеа мытаря, да вопием Ти, во умилении зовуще: Иисусе, сокровище нетленное; Иисусе, богатство неистощимое.

Иисусе, пище крепкая; Иисусе, питие неисчерпаемое. Иисусе, нищих одеяние; Иисусе, вдов заступление. Иисусе, сирых защитниче; Иисусе, труждающихся помоще. Иисусе, странных наставниче; Иисусе, плавающих кормчий. Иисусе, бурных отишие; Иисусе Боже, воздвигни мя падшаго.

Иисусе, Сыне Божий, помилуй мя.

Кондак 11

Пение всеумиленное приношу Ти недостойный, вопию Ти яко хананеа: Иисусе, помилуй мя; не дщерь бо, но плоть имам страстьми люте бесящуюся и яростию палимую, и исцеление даждь вопиющу Ти: Аллилуиа.

Икос 11

Светоподательна светильника сущим во тьме неразумия, прежде гоняй Тя Павел, богоразумнаго гласа силу внуши и душевную быстроту уясни; сице и мене темныя зеницы душевныя просвети, зовуща: Иисусе, Царю мой прекрепкий; Иисусе, Боже мой пресильный. Иисусе, Господи мой пребезсмертный; Иисусе, Создателю мой преславный.

Иисусе, Наставниче мой предобрый; Иисусе, Пастырю мой прещедрый. Иисусе, Владыко мой премилостивый; Иисусе, Спасе мой премилосердый. Иисусе, просвети моя чувствия, потемненныя страстьми; Иисусе, исцели мое тело, острупленное грехми. Иисусе, очисти мой ум от помыслов суетных; Иисусе, сохрани сердце мое от похотей лукавых.

Иисусе, Сыне Божий, помилуй мя.

Кондак 12

Благодать подаждь ми, всех долгов решителю, Иисусе, и приими мя кающася, якоже приял еси Петра, отвергшагося Тебе, и призови мя унывающаго, якоже древле Павла, гоняща Тя, и услыши мя, вопиюща Ти: Аллилуиа.

Икос 12

Поюще Твое вочеловечение, восхваляем Тя вси, и веруем со Фомою, яко Господь и Бог еси, седяй со Отцем и хотяй судити живым и мертвым. Тогда убо сподоби мя деснаго стояния, вопиющаго: Иисусе, Царю предвечный, помилуй мя; Иисусе, цвете благовонный, облагоухай мя. Иисусе, теплото любимая, огрей мя; Иисусе, храме предвечный, покрый мя.

Иисусе, одеждо светлая, украси мя; Иисусе, бисере честный, осияй мя. Иисусе, каменю драгий, просвети мя; Иисусе, солнце правды, освети мя. Иисусе, свете святый, облистай мя; Иисусе, болезни душевныя и телесныя избави мя. Иисусе, из руки сопротивныя изми мя; Иисусе, огня неугасимаго и прочих вечных мук свободи мя.

Иисусе, Сыне Божий, помилуй мя.

Кондак 13

О, пресладкий и всещедрый Иисусе! Приими ныне малое моление сие наше, якоже приял еси вдовицы две лепте, и сохрани достояние Твое от враг видимых и невидимых, от нашествия иноплеменних, от недуга и глада, от всякия скорби и смертоносныя раны, и грядущия изми муки всех, вопиющих Ти: Аллилуиа, aллилуиа, aллилуиа.

/Этот Кондак читается три раза, затем читается икос 1-й и кондак 1-й/

Молитва Иисусу Сладчайшему

Владыко Господи Иисусе Христе Боже мой, иже неизреченнаго ради Твоего человеколюбия на конец веков во плоть оболкийся от Приснодевы Марии, славлю о мне Твое спасительное промышление, раб Твой, Владыко; песнословлю Тя, яко Тебе ради Отца познах; благословлю Тя, Егоже ради и Дух Святый в мир прииде; покланяюся Твоей по плоти Пречистой Матери, таковей страшней тайне послужившей; восхваляю Твоя Ангельская ликостояния, яко воспеватели и служители Твоего величествия; ублажаю Предтечу Иоанна, Тебе крестившаго, Господи; почитаю и провозвестившия Тя пророки, прославляю апостолы Твоя святыя; торжествую же и мученики, священники же Твоя славлю; покланяюся преподобным Твоим, и вся Твоя праведники пестунствую. Таковаго и толикаго многаго и неизреченнаго лика Божественнаго в молитву привожду Тебе, всещедрому Богу, раб Твой, и сего ради прошу моим согрешением прощения, еже даруй ми всех Твоих ради святых, изряднее же святых Твоих щедрот, яко благословен еси во веки. Аминь

Источник: http://filosofia.ru/molitva-ot-unyniya-akafist-gospodu-nashemu-iisusu-sladchajshemu/

Акафист Иисусу Сладчайшему

Воз­бра́н­ный Вое­во́­до и Го́с­по­ди, а́да по­бе­ди́­те­лю, я́ко из­ба́вль­ся от ве́ч­ныя сме́р­ти, по­хва́ль­ная вос­пи­су́ю Ти, со­зда́­ние и раб Твой; но, я́ко име́яй ми­ло­се́р­дие не­из­ре­че́н­ное, от вся́­ких мя бед сво­бо­ди́, зо­ву́­ща: Иису́­се, Сы́­не Бо́­жий, по­ми́­луй мя.

Читайте также:  Молитва царю небесный, текст

Икос 1

А́н­ге­лов Тво́р­че и Го́с­по­ди сил, от­ве́р­зи ми не­до­уме́н­ный ум и язы́к на по­хва­лу́ пре­чи́с­та­го Тво­его́ и́ме­не, я́ко­же глу­хо́­му и гуг­ни́­во­му дре́в­ле слух и язы́к от­ве́рзл еси́, и, гла­го́­ла­ше зо­вы́й та­ко­ва́я:

Иису́­се пре­чу́д­ный, а́н­ге­лов удив­ле́­ние; Иису́­се пре­си́ль­ный, пра­ро­ди́­те­лей из­бав­ле́­ние. Иису́­се пре­сла́д­кий, па­три­а́р­хов ве­ли­ча́­ние; Иису́­се пре­сла́в­ный, ца­ре́й укреп­ле́­ние. Иису́­се пре­лю­би́­мый, про­ро́­ков ис­пол­не́­ние; Иису́­се пре­ди́в­ный, му́­че­ни­ков кре́­пос­те.

Иису́­се пре­ти́­хий, мо­на́­хов ра́­дос­те; Иису́­се пре­ми́­ло­сти­вый, пре­сви́­те­ров сла́­дос­те. Иису́­се пре­ми­ло­се́р­дый, по́ст­ни­ков воз­дер­жа́­ние; Иису́­се пре­сла́­дост­ный, пре­по­до́б­ных ра́­до­ва­ние. Иису́­се пре­чест­ны́й, де́в­ствен­ных це­ло­му́д­рие; Иису́­се пред­ве́ч­ный, гре́ш­ни­ков спа­се́­ние.

Иису́­се, Сы́­не Бо́­жий, по­ми́­луй мя.

Кондак 2

Ви́­дя вдо­ви́­цу зе́ль­не пла́­чу­щу, Го́с­по­ди, я́ко­же бо тог­да́ уми­ло­се́р­див­ся, сы́­на ея́ на по­гре­бе́­ние не­со́­ма вос­кре­си́л еси́; си́­це и о мне уми­ло­се́р­ди­ся, Че­ло­ве­ко­лю́б­че, и грех­ми́ умерщв­ле́н­ную мою́ ду́­шу вос­кре­си́, зо­ву́­щую: Алли­лу́иа.

Икос 2

Ра́­зум не­ура­зу­ме́н­ный ра­зу­ме́­ти Фи­ли́пп ища́, Го́с­по­ди, по­ка­жи́ нам От­ца́, гла­го́­ла­ше; Ты же к не­му́: то­ли́­кое вре́­мя сый со Мно́ю, не по­зна́л ли еси́, я́ко Оте́ц во Мне, и Аз во От­це́ есмь? Те́м­же, Не­из­сле́­до­ван­не, со стра́­хом зо­ву́ Ти:

Иису́­се, Бо́­же пред­ве́ч­ный; Иису́­се, Ца­рю́ пре­си́ль­ный. Иису́­се, Вла­ды́­ко дол­го­тер­пе­ли́­вый; Иису́­се, Спа́­се пре­ми́­ло­сти­вый. Иису́­се, хра­ни́­те­лю мой пре­бла­ги́й; Иису́­се, очи́с­ти гре­хи́ моя́.

Иису́­се, оты­ми́ без­за­ко́­ния моя́; Иису́­се, от­пус­ти́ не­пра́в­ды моя́. Иису́­се, на­де́ж­до моя́, не оста́­ви ме­не́; Иису́­се, по­мо́щ­ни­че мой, не от­ри́­ни ме­не́.

Иису́­се, Со­зда́­те­лю мой, не за­бу́­ди ме­не́; Иису́­се, Па́­сты­рю мой, не по­гу­би́ ме­не́. Иису́­се, Сы́­не Бо́­жий, по­ми́­луй мя.

Кондак 3

Си́­лою свы́­ше апо́с­то­лы об­ле­ки́й, Иису́­се, во Иеру­са­ли́­ме се­дя́­щия, об­ле­цы́ и ме­не́, об­на­же́н­на­го от вся́­ка­го бла­го­тво­ре́­ния, теп­ло­то́ю Ду́­ха Свя­та́­го Тво­его́ и даждь ми с лю­бо́­вию пе́­ти Те­бе́: Алли­лу́иа.

Икос 3

Име́яй бо­га́т­ство ми­ло­се́р­дия, мы­та­ри́ и гре́ш­ни­ки, и не­ве́р­ныя при­зва́л еси́, Иису́­се; не пре́­зри и ме­не́ ны́­не, по­до́б­на­го им, но, я́ко мно­го­це́н­ное ми́­ро, при­ими́ песнь сию́:

Иису́­се, си́­ло не­по­бе­ди́­мая; Иису́­се, ми́­лос­те без­ко­не́ч­ная. Иису́­се, кра­со­то́ пре­све́т­лая; Иису́­се, лю­бы́ не­из­ре­че́н­ная. Иису́­се, Сы́­не Бо́­га Жи­ва́­го; Иису́­се, по­ми́­луй мя гре́ш­на­го.

Иису́­се, услы́­ши мя в без­за­ко́­ни­их за­ча́­та­го; Иису́­се, очи́с­ти мя во гре­се́х рож­де́н­на­го. Иису́­се, нау­чи́ мя не­по­тре́б­на­го; Иису́­се, осве­ти́ мя те́м­на­го. Иису́­се, очи́с­ти мя скве́р­на­го; Иису́­се, воз­ве­ди́ мя блу́д­на­го.

Иису́­се, Сы́­не Бо́­жий, по­ми́­луй мя.

Кондак 4

Бу́­рю внутрь име́яй по­мыш­ле́­ний су­мни́­тель­ных, Петр утопа́­ше; уз­ре́в же во пло́­ти Тя су́­ща, Иису́­се, и по во­да́м хо­дя́­ща, по­зна́ Тя Бо́­га и́с­тин­на­го и, ру́­ку спа­се́­ния по­лу­чи́в, ре­че́: Алли­лу́иа.

Икос 4

Слы́­ша сле­пы́й ми­мо­хо­дя́­ща Тя, Го́с­по­ди, пу­те́м во­пия́­ше: Иису́­се, Сы́­не Да­ви́­дов, по­ми́­луй мя! И, при­зва́в, от­ве́рзл еси́ о́чи его́. Про­све­ти́ у́бо ми́­лос­тию Твое́ю о́чи мы́с­лен­ныя се́рд­ца и ме­не́, во­пию́­ща Ти и гла­го́­лю­ща:

Иису́­се, вы́ш­них Со­зда́­те­лю; Иису́­се, ни́ж­них Ис­ку­пи́­те­лю. Иису́­се, пре­ис­по́д­них по­тре­би́­те­лю; Иису́­се, всея́ тва́­ри укра­си́­те­лю. Иису́­се, души́ моея́ уте́­ши­те­лю; Иису́­се, ума́ мо­его́ про­све­ти́­те­лю.

Иису́­се, се́рд­ца мо­его́ ве­се́­лие; Иису́­се, те́­ла мо­его́ здра́­вие. Иису́­се, Спа́­се мой, спа­си́ мя; Иису́­се, све́­те мой, про­све­ти́ мя. Иису́­се, му́­ки вся́­кия из­ба́­ви мя; Иису́­се, спа­си́ мя, не­до­сто́й­на­го.

Иису́­се, Сы́­не Бо́­жий, по­ми́­луй мя.

Кондак 5

Бо­го­то́ч­ною Кро́­вию я́ко­же ис­ку­пи́л еси́ нас дре́в­ле от за­ко́н­ныя кля́т­вы, Иису́­се, си́­це из­ми́ нас от се́­ти, е́ю­же змий за­пя́т ны страсть­ми́ плот­ски́­ми, и блу́д­ным на­важ­де́­ни­ем, и злым уны́­нием, во­пию́­щия Ти: Алли­лу́иа.

Икос 5

Ви́­дев­ше о́т­ро­цы ев­ре́й­стии во о́б­ра­зе че­ло­ве́­чес­тем Со­зда́в­ша­го ру­ко́ю че­ло­ве́­ка, и Вла­ды́­ку ра­зу­ме́в­ше Его́, по­тща́­ша­ся ве́твь­ми уго­ди́­ти Ему́, оса́н­на во­пию́­ще. Мы же песнь при­но́­сим Ти, гла­го́­лю­ще:

Иису́­се, Бо́­же и́с­тин­ный; Иису́­се, Сы́­не Да­ви́­дов. Иису́­се, Ца­рю́ пре­сла́в­ный; Иису́­се, А́гн­че не­по­ро́ч­ный. Иису́­се, Па́­сты­рю пре­ди́в­ный; Иису́­се, хра­ни́­те­лю во мла́­до­сти мое́й.

Иису́­се, кор­ми́­те­лю во ю́нос­ти мое́й; Иису́­се, по­хва­ло́ в ста́­рос­ти мое́й. Иису́­се, на­де́ж­де в сме́р­ти мое́й; Иису́­се, жи­во­те́ по сме́р­ти мое́й.

Иису́­се, уте­ше́­ние мое́ на су­де́ Тво­е́м; Иису́­се, же­ла́­ние мое́, не по­сра­ми́ ме­не́ тог­да́. Иису́­се, Сы́­не Бо́­жий, по­ми́­луй мя.

Кондак 6

Про­по­ве́д­ник бо­го­но́с­ных ве­ща́­ние и гла­го́­лы ис­пол­ня́я, Иису́­се, на зем­ли́ я́вль­ся и с че­ло­ве́­ки Не­вме­сти́­мый по­жи́л еси́, и бо­ле́з­ни на́­ша подъ­я́л еси́, от­ню́­ду­же ра́­на­ми Тво­и́ми мы ис­це­ле́в­ше, пе́­ти на­вы­ко́­хом: Алли­лу́иа.

Икос 6

Воз­сия́ все­ле́н­ней про­све­ще́­ние и́с­ти­ны Твоея́, и от­гна́­ся лесть бе­со́в­ская: и́до­ли бо, Спа́­се наш, не тер­пя́­ще Твоея́ кре́­пос­ти, па­до́­ша. Мы же, спа­се́­ние по­лу­чи́в­ше, во­пи­е́м Ти:

Иису́­се, и́с­ти­но, лесть от­го­ня́­щая; Иису́­се, све́­те, пре­вы́ш­ший всех све́т­лос­тей. Иису́­се, Ца­рю́, пре­мо­га́­яй всех кре́­пос­ти; Иису́­се, Бо́­же, пре­бы­ва́яй в ми́­лос­ти. Иису́­се, Хле́­бе Жи­во́т­ный, на­сы́­ти мя а́л­чу­ща­го; Иису́­се, ис­то́ч­ни­че ра́­зу­ма, на­по́й мя жа́ж­ду­ща­го.

Иису́­се, оде́ж­до ве­се́­лия, оде́й мя тле́н­на­го; Иису́­се, по­кро́­ве ра́­дос­ти, по­кры́й мя не­до­сто́й­на­го. Иису́­се, по­да́­те­лю про­ся́­щим, даждь мне плач за гре­хи́ моя́; Иису́­се, об­ре́­те­ние и́щу­щим, об­ря́­щи ду́­шу мою́.

Иису́­се, от­вер­зи́­те­лю тол­ку́­щим, от­ве́р­зи се́рд­це мое́ окая́н­ное; Иису́­се, Ис­ку­пи́­те­лю гре́ш­ных, очи́с­ти без­за­ко́­ния моя́. Иису́­се, Сы́­не Бо́­жий, по­ми́­луй мя.

Кондак 7

Хо­тя́ со­кро­ве́н­ную та́й­ну от ве́­ка от­кры́­ти, я́ко ов­ча́ на за­ко­ле́­ние ве­де́н был еси́, Иису́­се, и я́ко а́г­нец пря́­мо стри­гу́­ща­го его́ без­гла́­сен, и я́ко Бог из ме́рт­вых вос­кре́сл еси́, и со сла́­вою на не­бе­са́ воз­не́сл­ся еси́, и нас со­воз­дви́гл еси́, зо­ву́­щих: Алли­лу́иа.

Икос 7

Ди́в­ную по­ка­за́ тварь, яв­ле́й­ся Тво­ре́ц нам: без се́­ме­не от Де́­вы во­пло­ти́­ся, из гро́­ба, пе­ча́­ти не ру­ши́в, вос­кре́­се, и ко апо́с­то­лом, две́­рем за­тво­ре́н­ным, с пло́­тию вни́­де. Те́м­же чудя́­щеся, вос­по­и́м:

Иису́­се, Сло́­ве не­об­ыме́н­ный; Иису́­се, Сло́­ве не­со­гля­да́е­мый. Иису́­се, си́­ло не­по­сти­жи́­мая; Иису́­се, му́­дро­сте не­до­мы́с­ли­мая. Иису́­се, Бо­жест­во́ не­опи­са́н­ное; Иису́­се, гос­по́д­ство не­ис­че́т­ное.

Иису́­се, ца́рст­во не­по­бе­ди́­мое; Иису́­се, вла­ды́­чест­во без­ко­не́ч­ное. Иису́­се, кре́­пос­те вы­со­ча́й­шая; Иису́­се, вла́­сте ве́ч­ная. Иису́­се, Тво́р­че мой, уще́д­ри мя; Иису́­се, Спа́­се мой, спа­си́ мя.

Иису́­се, Сы́­не Бо́­жий, по­ми́­луй мя.

Кондак 8

Стра́н­но Бо́­га во­че­ло­ве́ч­ша­ся ви́­дя­ще, устра­ни́м­ся су́ет­на­го ми́­ра и ум на Бо­же́ст­вен­ная воз­ло­жи́м. Се­го́ бо ра́­ди Бог на зе́м­лю сни́­де, да нас на не­бе­са́ воз­ве­де́т, во­пию́­щих Ему́: Алли­лу́иа.

Икос 8

Весь бе в ни́ж­них, и вы́ш­них ни­ка́­ко­же от­сту­пи́ Не­ис­че́т­ный, ег­да́ во́­лею нас ра́­ди по­стра­да́, и сме́р­тию Свое́ю на́­шу смерть умерт­ви́, и вос­кре­се́­ни­ем жи­во́т да­ро­ва́ пою́­щим:

Иису́­се, сла́­дос­те сер­де́ч­ная; Иису́­се, кре́­пос­те те­ле́с­ная. Иису́­се, све́т­лос­те ду­ше́в­ная; Иису́­се, быс­тро­то́ у́м­ная. Иису́­се, ра́­дос­те со́­вест­ная; Иису́­се, на­де́ж­до из­ве́ст­ная.

Иису́­се, па́­мя­те пред­ве́ч­ная; Иису́­се, по­хва­ло́ вы­со́­кая. Иису́­се, сла́­во моя́ пре­воз­не­се́н­ная; Иису́­се, же­ла́­ние мое́, не от­ри́­ни ме­не́. Иису́­се, Па́­сты­рю мой, взы­щи́ ме­не́; Иису́­се, Спа́­се мой, спа­си́ ме­не́.

Иису́­се, Сы́­не Бо́­жий, по­ми́­луй мя.

Кондак 9

Все ес­тес­тво́ а́н­гель­ское без­пре­ста́­ни сла́­вит пре­свя­то́е и́мя Твое́, Иису́­се, на не­бе­си́: Свят, Свят, Свят, во­пию́­ще; мы же, гре́ш­нии на зем­ли́ бре́н­ны­ми уст­на́­ми во­пи­е́м: Алли­лу́иа.

Икос 9

Ве­ти́я мно­го­ве­ща́н­ные я́ко­же ры́­бы без­гла́с­ныя ви́­дим о Те­бе́, Иису́­се, Спа́­се наш: не­до­уме́­ют бо гла­го́­ла­ти, ка́­ко Бог не­пре­ло́ж­ный и че­ло­ве́к со­вер­ше́н­ный пре­бы­ва́е­ши? Мы же та́ин­ству ди­вя́­ще­ся, во­пи­е́м ве́р­но:

Иису́­се, Бо́­же пред­ве́ч­ный; Иису́­се, Ца­рю́ ца́рст­вую­щих. Иису́­се, Вла­ды́­ко вла­де́ю­щих; Иису́­се, Су­дие́ жи­вы́х и ме́рт­вых. Иису́­се, на­де́ж­до не­на­де́ж­ных; Иису́­се, уте­ше́­ние пла́­чу­щих.

Иису́­се, сла́­во ни́­щих; Иису́­се, не осу­ди́ мя по де­ло́м мо­и́м. Иису́­се, очи́с­ти мя по ми́­лос­ти Тво­е́й; Иису́­се, от­же­ни́ от ме­не́ уны́­ние. Иису́­се, про­све­ти́ моя́ мы́с­ли сер­де́ч­ныя; Иису́­се, даждь ми па́­мять сме́рт­ную.

Иису́­се, Сы́­не Бо́­жий, по­ми́­луй мя.

Кондак 10

Спас­ти́ хо­тя́ мир, Вос­то́­че вос­то́­ком, к те́м­но­му за́­па­ду — ес­тес­тву́ на́­ше­му при­ше́д, сми­ри́л­ся еси́ до сме́р­ти; те́м­же пре­воз­не­се́­ся и́мя Твое́ па́­че вся́­ка­го и́ме­не, и от всех ко­ле́н не­бе́с­ных и зем­ны́х слы́­ши­ши: Алли­лу́иа.

Икос 10

Ца­рю́ Пре­ве́ч­ный, Уте́­ши­те­лю, Хрис­те́ и́с­тин­ный, очи́с­ти ны от вся́­кия скве́р­ны, я́ко­же очи́с­тил еси́ де́­сять про­ка­же́н­ных, и ис­це­ли́ ны, я́ко­же ис­це­ли́л еси́ сре­бро­лю­би́­вую ду́­шу Зак­хе́а мы­та­ря́, да во­пи­е́м Ти, во уми­ле́­нии зо­ву́­ще:

Иису́­се, со­кро́­ви­ще не­тле́н­ное; Иису́­се, бо­га́т­ство не­ис­то­щи́­мое. Иису́­се, пи́­ще кре́п­кая; Иису́­се, пи­тие́ не­ис­чер­па́е­мое. Иису́­се, ни́­щих оде­я́ние; Иису́­се, вдов за­ступ­ле́­ние.

Иису́­се, си́­рых за­щи́т­ни­че; Иису́­се, тру­жда́ю­щих­ся по́­мо­ще. Иису́­се, стра́н­ных на­ста́в­ни­че; Иису́­се, пла́­ваю­щих ко́рм­чий. Иису́­се, бу́р­ных оти́­шие; Иису́­се Бо́­же, воз­дви́г­ни мя па́д­ша­го.

Иису́­се, Сы́­не Бо́­жий, по­ми́­луй мя.

Кондак 11

Пе́­ние все­уми­ле́н­ное при­но­шу́ Ти не­до­сто́й­ный, во­пию́ Ти я́ко ха­на­не́а: Иису́­се, по­ми́­луй мя; не дщерь бо, но плоть и́мам страсть­ми́ лю́­те бе­ся́­щую­ся и я́рос­тию па­ли́­мую, и ис­це­ле́­ние даждь во­пию́­щу Ти: Алли­лу́иа.

Икос 11

Све­то­по­да́­тель­на све­ти́ль­ни­ка су́­щим во тьме не­ра­зу́­мия, пре́ж­де го­ня́й Тя Па́­вел, бо­го­ра­зу́м­на­го гла́­са си́­лу вну­ши́ и ду­ше́в­ную быс­тро­ту́ уяс­ни́; си́­це и ме­не́ те́м­ныя зе́­ни­цы ду­ше́в­ныя про­све­ти́, зо­ву́­ща:

Иису́­се, Ца­рю́ мой пре­кре́п­кий; Иису́­се, Бо́­же мой пре­си́ль­ный. Иису́­се, Го́с­по­ди мой пре­без­сме́рт­ный; Иису́­се, Со­зда́­те­лю мой пре­сла́в­ный. Иису́­се, На­ста́в­ни­че мой пре­до́б­рый; Иису́­се, Па́­сты­рю мой пре­ще́д­рый.

Иису́­се, Вла­ды́­ко мой пре­ми́­ло­сти­вый; Иису́­се, Спа́­се мой пре­ми­ло­се́р­дый. Иису́­се, про­све­ти́ моя́ чу́вст­вия, по­тем­не́н­ныя страсть­ми́; Иису́­се, ис­це­ли́ мое́ те́­ло, оструп­ле́н­ное грех­ми́.

Иису́­се, очи́с­ти мой ум от по́­мыс­лов су́ет­ных; Иису́­се, со­хра­ни́ се́рд­це мое́ от по́­хо­тей лу­ка́­вых. Иису́­се, Сы́­не Бо́­жий, по­ми́­луй мя.

Кондак 12

Бла­го­да́ть по­да́ждь ми, всех дол­го́в ре­ши́­те­лю, Иису́­се, и при­ими́ мя ка́ю­ща­ся, я́ко­же при­я́л еси́ Пет­ра́, от­ве́рг­ша­го­ся Те­бе́, и при­зо­ви́ мя уны­ва́ю­ща­го, я́ко­же дре́в­ле Па́­вла, го­ня́­ща Тя, и услы́­ши мя, во­пию́­ща Ти: Алли­лу́иа.

Икос 12

Пою́­ще Твое́ во­че­ло­ве́­че­ние, вос­хва­ля́­ем Тя вси, и ве́­ру­ем со Фо­мо́ю, я́ко Гос­по́дь и Бог еси́, се­дя́й со От­це́м и хо­тя́й су­ди́­ти жи­вы́м и ме́рт­вым. Тог­да́ у́бо спо­до́­би мя дес­на́­го стоя́­ния, во­пию́­ща­го:

Иису́­се, Ца­рю́ пред­ве́ч­ный, по­ми́­луй мя; Иису́­се, цве́­те бла­го­во́н­ный, обла­го­уха́й мя. Иису́­се, теп­ло­то́ лю­би́­мая, со­гре́й мя; Иису́­се, хра́­ме пред­ве́ч­ный, по­кры́й мя. Иису́­се, оде́ж­до све́т­лая, укра­си́ мя; Иису́­се, би́­се­ре чест­ны́й, оси­я́й мя.

Иису́­се, ка́­ме­ню дра­ги́й, про­све­ти́ мя; Иису́­се, со́лн­це пра́в­ды, осве­ти́ мя. Иису́­се, све́­те свя­ты́й, об­лис­та́й мя; Иису́­се, бо­ле́з­ни ду­ше́в­ныя и те­ле́с­ныя из­ба́­ви мя. Иису́­се, из руки́ со­про­ти́в­ныя из­ми́ мя; Иису́­се, ог­ня́ не­уга­си́­ма­го и про́­чих ве́ч­ных мук сво­боди́ мя.

Иису́­се, Сы́­не Бо́­жий, по­ми́­луй мя.

Кондак 13

О, пре­сла́д­кий и все­ще́д­рый Иису́­се! При­ими́ ны́­не ма́­лое мо­ле́­ние сие́ на́­ше, я́ко­же при­я́л еси́ вдо­ви́­цы две ле́п­те, и со­хра­ни́ до­стоя́­ние Твое́ от враг ви́­ди­мых и не­ви́­ди­мых, от на­ше́ст­вия ино­пле­ме́н­ник, от не­ду́­га и гла́­да, от вся́­кия ско́р­би и смер­то­но́с­ныя ра́­ны, и гря­ду́­щия из­ми́ му́­ки всех, во­пию́­щих Ти: Алли­лу́иа, алли­лу́иа, алли­лу́иа. (Кондак чи­та­ет­ся трижды)

Икос 1

А́н­ге­лов Тво́р­че и Го́с­по­ди сил, от­ве́р­зи ми не­до­уме́н­ный ум и язы́к на по­хва­лу́ пре­чи́с­та­го Тво­его́ и́ме­не, я́ко­же глу­хо́­му и гуг­ни́­во­му дре́в­ле слух и язы́к от­ве́рзл еси́, и, гла­го́­ла­ше зо­вы́й та­ко­ва́я:

Иису́­се пре­чу́д­ный, а́н­ге­лов удив­ле́­ние; Иису́­се пре­си́ль­ный, пра­ро­ди́­те­лей из­бав­ле́­ние. Иису́­се пре­сла́д­кий, па­три­а́р­хов ве­ли­ча́­ние; Иису́­се пре­сла́в­ный, ца­ре́й укреп­ле́­ние. Иису́­се пре­лю­би́­мый, про­ро́­ков ис­пол­не́­ние; Иису́­се пре­ди́в­ный, му́­че­ни­ков кре́­пос­те.

Иису́­се пре­ти́­хий, мо­на́­хов ра́­дос­те; Иису́­се пре­ми́­ло­сти­вый, пре­сви́­те­ров сла́­дос­те. Иису́­се пре­ми­ло­се́р­дый, по́ст­ни­ков воз­дер­жа́­ние; Иису́­се пре­сла́­дост­ный, пре­по­до́б­ных ра́­до­ва­ние. Иису́­се пре­чест­ны́й, де́в­ствен­ных це­ло­му́д­рие; Иису́­се пред­ве́ч­ный, гре́ш­ни­ков спа­се́­ние.

Иису́­се, Сы́­не Бо́­жий, по­ми́­луй мя.

Кондак 1

Воз­бра́н­ный Вое­во́­до и Го́с­по­ди, а́да по­бе­ди́­те­лю, я́ко из­ба́вль­ся от ве́ч­ныя сме́р­ти, по­хва́ль­ная вос­пи­су́ю Ти, со­зда́­ние и раб Твой; но, я́ко име́яй ми­ло­се́р­дие не­из­ре­че́н­ное, от вся́­ких мя бед сво­бо­ди́, зо­ву́­ща: Иису́­се, Сы́­не Бо́­жий, по­ми́­луй мя.

Мо­ли́т­ва

Вла­ды́­ко Го́с­по­ди Иису́­се Хрис­те́ Бо́­же мой, и́же не­из­ре­че́н­наго ра́­ди Тво­его́ че­ло­ве­ко­лю́­бия на ко­не́ц ве­ко́в во плоть обо­лки́й­ся от При­сно­де́­вы Ма­ри́и, сла́в­лю о мне Твое́ спа­си́­тель­ное про­мыш­ле́­ние, раб Твой, Вла­ды́­ко; пес­но­сло́в­лю Тя, я́ко Те­бе́ ра́­ди От­ца́ по­зна́х; бла­го­слов­лю́ Тя, Его́­же ра́­ди и Дух Свя­ты́й в мир при­и́де; по­кла­ня́ю­ся Тво­е́й по пло́­ти Пре­чи́с­той Ма­те­ри, та­ко­ве́й стра́ш­ней та́й­не по­слу­жи́в­шей; вос­хва­ля́ю Твоя́ А́н­гель­ская ли­ко­стоя́­ния, я́ко вос­пе­ва́­те­ли и слу­жи́­те­ли Тво­его́ ве­ли́­чест­вия; убла­жа́ю Пред­те́­чу Иоа́н­на, Те­бе́ кре­сти́в­ша­го, Го́с­по­ди; по­чи­та́ю и про­воз­вес­ти́в­шия Тя про­ро́­ки, про­слав­ля́ю апо́с­то­лы Твоя́ свя­ты́я; тор­жест­ву́­ю же и му́­че­ни­ки, свя­ще́н­ни­ки же Твоя́ сла́в­лю; по­кла­ня́ю­ся пре­по­до́б­ным Тво­и́м, и вся Твоя́ пра́­вед­ни­ки пе́с­тун­ствую. Та­ко­ва́­го и то­ли́­ка­го мно́­га­го и не­из­ре­че́н­наго ли́­ка Бо­же́ст­вен­на­го в мо­ли́т­ву при­во­жду́ Те­бе́, все­ще́д­ро­му Бо́­гу, раб Твой, и се­го́ ра́­ди про­шу́ мо­и́м со­гре­ше́­ни­ем про­ще́­ния, е́же да́­руй ми всех Тво­и́х ра́­ди свя­ты́х, из­ря́д­нее же свя­ты́х Тво­и́х щед­ро́т, я́ко бла­го­сло­ве́н еси́ во ве́­ки. Ами́нь.

Источник: http://akafistnik.ru/god/akafist-iisusu-sladchajshemu

Православный акафист господу нашему Сладчайшему Иисусу Христу

Христианский акафист Господу нашему Иисусу Христу — особое песнопение хвалящее Спасителя. Читать либо петь акафист Иисусу Христу разрешается только стоя. Исключение составляют люди больные, которые подняться не имеют возможности.

Акафист Сладчайшему Иисусу Христу связывают с афонскими монахами начала XIV века, а также трудами Григория Синаита и Никифора Афонского (Исихаста), которые предположительно создали данный хвалебный акафист Господу нашему Иисусу Христу.

Подтверждением этой теории служат рукописи древности, которые имеют славянский перевод и греческий подлинник этого акафиста. Хранятся рукописи в библиотеках монастырей горы Афон.

Почему надо благодарить Бога читая акафист Христу

Вся жизнь наша являет собой цепь благодеяний Божьих. Все происходящие с нами события являются либо благословением, либо наказанием от Господа.

Мы не можем видеть глазами самого Бога, а деяния его видны даже в жизни повседневной. Абсолютно во всех наших хлопотах присутствует Божье провидение.

Следовательно, мы должны благодарить Господа за каждый земной день, а делать это можно читая акафист Иисусу Христу.

Мы часто обращаемся к Господу с просьбами, а получив желаемое забываем быть благодарными. А благодарность Богу способна удалить печаль и развеять уныние. Существуют молитвы о даровании милости Господа, а также акафисты и молитвы направленные на то, чтобы воздать благодарение.

Церковный акафист Сладчайшему Иисусу Христу является благодарственным. Вдели множество чудес, которые Бог явил человеку не по просьбе, а только по искренней вере.

Любой человек может получить Божью милость только потому, что благодарен Господу за все, а благодарность и есть вера

Чудотворный акафист Сладчайшему Иисусу Христу является самым древним гимном хваления Господа в церкви православной. Данный акафист Иисусу Христу распространен в молитвенной практике больше всех.

Православный акафист Иисусу Христу Сладчайшему читается не только в Церквях Поместных, которые ведут службу на языке церковно-славянском, но и во многих других.

Читать этот христианский акафист Господу нашему Иисусу Христу полагается по средам, а можно и во вторник вечером, так как сутки церковные начинаются именно во вторник.

Читайте также:  Икона «благодатное небо» в чем помогает - православные иконы и молитвы

90% проблем человека происходит из-за отсутствия удачи, и как следствие денег и счастья. Чтобы отменить посыл о бедности, нужен сильный энергетический заряд. Денежный Ритуал позволит найти постоянный источник дохода исполнить мечту, для этого нужно взять… Читать далее…

Настоящий текст акафиста Сладчайшему Иисусу Христу

Кондак №1
Возбранный Воеводо и Господи, ада победителю, яко избавлься от вечныя смерти, похвальная восписую Ти, создание и раб Твой; но, яко имеяй милосердие неизреченное, от всяких мя бед свободи, зовуща: Иисусе, Сыне Божий, помилуй мя.

Икос №1
Ангелов Творче и Господи cил, отверзи ми недоуменный ум и язык на похвалу пречистаго Твоего имене, якоже глухому и гугнивому древле слух и язык отверзл еси, и, глаголаше зовый таковая: Иисусе пречудный, aнгелов удивление; Иисусе пресильный, прародителей избавление. Иисусе пресладкий, патриархов величание; Иисусе преславный, царей укрепление.

Иисусе прелюбимый, пророков исполнение; Иисусе предивный, мучеников крепосте. Иисусе претихий, монахов радосте; Иисусе премилостивый, пресвитеров сладосте. Иисусе премилосердый, постников воздержание; Иисусе пресладостный, преподобных радование. Иисусе пречестный, девственных целомудрие; Иисусе предвечный, грешников спасение. Иисусе, Сыне Божий, помилуй мя.

Кондак №2
Видя вдовицу зельне плачущу, Господи, якоже бо тогда умилосердився, сына ея на погребение несома воскресил еси; сице и о мне умилосердися, Человеколюбче, и грехми умерщвленную мою душу воскреси, зовущую: Аллилуиа.

Икос №2
Разум неуразуменный разумети Филипп ища, Господи, покажи нам Отца, глаголаше; Ты же к нему: толикое время сый со Мною, не познал ли еси, яко Отец во Мне, и Аз во Отце есмь? Темже, Неизследованне, со страхом зову Ти: Иисусе, Боже предвечный; Иисусе, Царю пресильный.

Иисусе, Владыко долготерпеливый; Иисусе, Спасе премилостивый. Иисусе, хранителю мой преблагий; Иисусе, очисти грехи моя. Иисусе, отыми беззакония моя; Иисусе, отпусти неправды моя. Иисусе, надеждо моя, не остави мене; Иисусе, помощниче мой, не отрини мене.

Иисусе, Создателю мой, не забуди мене; Иисусе, Пастырю мой, не погуби мене. Иисусе, Сыне Божий, помилуй мя.

Кондак №3
Силою свыше апостолы облекий, Иисусе, во Иерусалиме седящия, облецы и мене, обнаженнаго от всякаго благотворения, теплотою Духа Святаго Твоего и даждь ми с любовью пети Тебе: Аллилуиа.

Икос №3
Имеяй богатство милосердия, мытари и грешники, и неверныя призвал еси, Иисусе; не презри и мене ныне, подобнаго им, но, яко многоценное миро, приими песнь сию: Иисусе, сило непобедимая; Иисусе, милосте безконечная. Иисусе, красото пресветлая; Иисусе, любы неизреченная.

Иисусе, Сыне Бога Живаго; Иисусе, помилуй мя грешнаго. Иисусе, услыши мя в беззакониих зачатаго; Иисусе, очисти мя во гресех рожденнаго. Иисусе, научи мя непотребнаго; Иисусе, освети мя темнаго. Иисусе, очисти мя сквернаго; Иисусе, возведи мя блуднаго. Иисусе, Сыне Божий, помилуй мя.

Кондак №4
Бурю внутрь имеяй помышлений сумнительных, Петр утопаше; узрев же во плоти Тя суща, Иисусе, и по водам ходяща, позна Тя Бога истиннаго и, руку спасения получив, рече: Аллилуиа.

Икос №4
Слыша слепый мимоходяща Тя, Господи, путем вопияше: Иисусе, Сыне Давидов, помилуй мя! И, призвав, отверзл еси очи его. Просвети убо милостию Твоею очи мысленныя сердца и мене, вопиюща Ти и глаголюща: Иисусе, вышних Создателю; Иисусе, нижних Искупителю.

Иисусе, преисподних потребителю; Иисусе, всея твари украсителю. Иисусе, души моея утешителю; Иисусе, ума моего просветителю. Иисусе, сердца моего веселие; Иисусе, тела моего здравие. Иисусе, Спасе мой, спаси мя; Иисусе, свете мой, просвети мя. Иисусе, муки всякия избави мя; Иисусе, спаси мя, недостойнаго.

Иисусе, Сыне Божий, помилуй мя.

Кондак №5
Боготочною Кровию якоже искупил еси нас древле от законныя клятвы, Иисусе, сице изми нас от сети, еюже змий запят ны страстьми плотскими, и блудным наваждением, и злым унынием, вопиющия Ти: Аллилуиа.

Икос №5
Видевше отроцы еврейстии во образе человечестем Создавшаго рукою человека, и Владыку разумевше Его, потщашася ветвьми угодити Ему, осанна вопиюще. Мы же песнь приносим Ти, глаголюще: Иисусе, Боже истинный; Иисусе, Сыне Давидов. Иисусе, Царю преславный; Иисусе, Агнче непорочный.

Иисусе, Пастырю предивный; Иисусе, хранителю во младости моей. Иисусе, кормителю во юности моей; Иисусе, похвало в старости моей. Иисусе, надежде в смерти моей; Иисусе, животе по смерти моей. Иисусе, утешение мое на суде Твоем; Иисусе, желание мое, не посрами мене тогда. Иисусе, Сыне Божий, помилуй мя.

Кондак №6
Проповедник богоносных вещание и глаголы исполняя, Иисусе, на земли явлься и с человеки Невместимый пожил еси, и болезни наша подъял еси, отнюдуже ранами Твоими мы исцелевше, пети навыкохом: Аллилуиа.

Икос №6
Возсия вселенней просвещение истины Твоея, и отгнася лесть бесовская: идоли бо, Спасе наш, не терпяще Твоея крепости, падоша. Мы же, спасение получивше, вопием Ти: Иисусе, истино, лесть отгонящая; Иисусе, свете, превышший всех светлостей. Иисусе, Царю, премогаяй всех крепости; Иисусе, Боже, пребываяй в милости.

Иисусе, Хлебе Животный, насыти мя алчущаго; Иисусе, источниче разума, напой мя жаждущаго. Иисусе, одеждо веселия, одей мя тленнаго; Иисусе, покрове радости, покрый мя недостойнаго. Иисусе, подателю просящим, даждь мне плач за грехи моя; Иисусе, обретение ищущим, обрящи душу мою.

Иисусе, отверзителю толкущим, отверзи сердце мое окаянное; Иисусе, Искупителю грешных, очисти беззакония моя. Иисусе, Сыне Божий, помилуй мя.

Кондак №7
Хотя сокровенную тайну от века открыти, яко овча на заколение веден был еси, Иисусе, и яко агнец прямо стригущаго его безгласен, и яко Бог из мертвых воскресл еси, и со славою на небеса вознеслся еси, и нас совоздвигл еси, зовущих: Аллилуиа.

Икос №7
Дивную показа тварь, явлейся Творец нам: без семене от Девы воплотися, из гроба, печати не рушив, воскресе, и ко апостолом, дверем затворенным, с плотию вниде. Темже чудящеся, воспоим: Иисусе, Слове необыменный; Иисусе, Слове несоглядаемый.

Иисусе, сило непостижимая; Иисусе, мудросте недомыслимая. Иисусе, Божество неописанное; Иисусе, господство неисчетное. Иисусе, царство непобедимое; Иисусе, владычество безконечное. Иисусе, крепосте высочайшая; Иисусе, власте вечная. Иисусе, Творче мой, ущедри мя; Иисусе, Спасе мой, спаси мя.

Иисусе, Сыне Божий, помилуй мя.

Кондак №8
Странно Бога вочеловечшася видяще, устранимся суетнаго мира и ум на Божественная возложим. Сего бо ради Бог на землю сниде, да нас на небеса возведет, вопиющих Ему: Аллилуиа.

Икос №8
Весь бе в нижних, и вышних никакоже отступи Неисчетный, егда волею нас ради пострада, и смертию Своею нашу смерть умертви, и воскресением живот дарова поющим: Иисусе, сладосте сердечная; Иисусе, крепосте телесная.

Иисусе, светлосте душевная; Иисусе, быстрото умная. Иисусе, радосте совестная; Иисусе, надеждо известная. Иисусе, памяте предвечная; Иисусе, похвало высокая. Иисусе, славо моя превознесенная; Иисусе, желание мое, не отрини мене.

Иисусе, Пастырю мой, взыщи мене; Иисусе, Спасе мой, спаси мене. Иисусе, Сыне Божий, помилуй мя.

Кондак №9
Все естество ангельское безпрестани славит пресвятое имя Твое, Иисусе, на небеси: Свят, Свят, Свят, вопиюще; мы же, грешнии на земли бренными устнами вопием: Аллилуиа.

Икос №9
Ветия многовещанны, якоже рыбы безгласныя видим о Тебе, Иисусе, Спасе наш: недоумеют бо глаголати, како Бог непреложний и человек совершенный пребываеши? Мы же таинству дивящеся, вопием верно: Иисусе, Боже предвечный; Иисусе, Царю царствующих.

Иисусе, Владыко владеющих; Иисусе, Судие живых и мертвых. Иисусе, надеждо ненадежных; Иисусе, утешение плачущих. Иисусе, славо нищих; Иисусе, не осуди мя по делом моим. Иисусе, очисти мя по милости Твоей; Иисусе, отжени от мене уныние.

Иисусе, просвети моя мысли сердечныя; Иисусе, даждь ми память смертную. Иисусе, Сыне Божий, помилуй мя.

Кондак №10
Спасти хотя мир, Восточе востоком, к темному западу — естеству нашему пришед, смирился еси до смерти; темже превознесеся имя Твое паче всякаго имене, и от всех колен небесных и земных слышиши: Аллилуиа.

Икос №10
Царю Превечный, Утешителю, Христе истинный, очисти ны от всякия скверны, якоже очистил еси десять прокаженных, и исцели ны, якоже исцелил еси сребролюбивую душу Закхеа мытаря, да вопием Ти, во умилении зовуще: Иисусе, сокровище нетленное; Иисусе, богатство неистощимое.

Иисусе, пище крепкая; Иисусе, питие неисчерпаемое. Иисусе, нищих одеяние; Иисусе, вдов заступление. Иисусе, сирых защитниче; Иисусе, труждающихся помоще. Иисусе, странных наставниче; Иисусе, плавающих кормчий. Иисусе, бурных отишие; Иисусе Боже, воздвигни мя падшаго.

Иисусе, Сыне Божий, помилуй мя.

Кондак №11
Пение всеумиленное приношу Ти недостойный, вопию Ти яко хананеа: Иисусе, помилуй мя; не дщерь бо, но плоть имам страстьми люте бесящуюся и яростию палимую, и исцеление даждь вопиющу Ти: Аллилуиа.

Икос №11
Светоподательна светильника сущим во тьме неразумия, прежде гоняй Тя Павел, богоразумнаго гласа силу внуши и душевную быстроту уясни; сице и мене темныя зеницы душевныя просвети, зовуща: Иисусе, Царю мой прекрепкий; Иисусе, Боже мой пресильный. Иисусе, Господи мой пребезсмертный; Иисусе, Создателю мой преславный.

Иисусе, Наставниче мой предобрый; Иисусе, Пастырю мой прещедрый. Иисусе, Владыко мой премилостивый; Иисусе, Спасе мой премилосердый. Иисусе, просвети моя чувствия, потемненныя страстьми; Иисусе, исцели мое тело, острупленное грехми. Иисусе, очисти мой ум от помыслов суетных; Иисусе, сохрани сердце мое от похотей лукавых.

Иисусе, Сыне Божий, помилуй мя.

Кондак №12
Благодать подаждь ми, всех долгов решителю, Иисусе, и приими мя кающася, якоже приял еси Петра, отвергшагося Тебе, и призови мя унывающаго, якоже древле Павла, гоняща Тя, и услыши мя, вопиюща Ти: Аллилуиа.

Икос №12

Поюще Твое вочеловечение, восхваляем Тя вси, и веруем со Фомою, яко Господь и Бог еси, седяй со Отцем и хотяй судити живым и мертвым. Тогда убо сподоби мя деснаго стояния, вопиющаго: Иисусе, Царю предвечный, помилуй мя; Иисусе, цвете благовонный, облагоухай мя. Иисусе, теплото любимая, огрей мя; Иисусе, храме предвечный, покрый мя.

Иисусе, одеждо светлая, украси мя; Иисусе, бисере честный, осияй мя. Иисусе, каменю драгий, просвети мя; Иисусе, солнце правды, освети мя. Иисусе, свете святый, облистай мя; Иисусе, болезни душевныя и телесныя избави мя. Иисусе, из руки сопротивныя изми мя; Иисусе, огня неугасимаго и прочих вечных мук свободи мя.

Иисусе, Сыне Божий, помилуй мя.

Кондак №13
О, пресладкий и всещедрый Иисусе! Приими ныне малое моление сие наше, якоже приял еси вдовицы две лепте, и сохрани достояние Твое от враг видимых и невидимых, от нашествия иноплеменних, от недуга и глада, от всякия скорби и смертоносныя раны, и грядущия изми муки всех, вопиющих Ти: Аллилуиа, aллилуиа, aллилуиа.

Источник: https://www.sudba.info/pravoslavnyj-akafist-gospodu-nashemu-sladchajshemu-iisusu-xristu/

Акафист Господу Иисусу Христу о даровании благодати любви

Союзом любве Апостолы Твоя связавый, Христе, и нас,Твоих верных рабов, к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, Едине Человеколюбче.

Пламенем любве распали к Тебе сердца наша, Христе Боже, да тою разжигаеми, сердцем, мыслию же и душею, и всею крепостию нашею возлюбим Тя и искренняго своего яко себе, и повеления Твоя храняще, славим Тя, всех благ Дателя.

Возбранный Воеводо и Господи Иисусе Христе, любы истинная и милосердие безконечное, воспеваем Тя любовию спасеннии Тобою раби Твои. Ты же, яко имеяй всяку власть на небеси и на земли, сыны света соделай Твоя служители, да зовем Ти: Иисусе, Солнце любве незаходимое, научи и нас любви Твоей.

Ангели о Рождестве Твоем, Иисусе, радуяся, воспеша: «Слава в вышних Богу и на земли мир, в человецех благоволение». Мы же, глубине благоволения Твоего дивящеся, благодарно Тебе зовем:

Иисусе, Сыне Благословеннаго, в вышних живый, и нас дольних не забываяй.

Иисусе, Боже Всемилостивый, силою любве Твоея к нам снизшедый.

Иисусе, милосте безконечная, с высоты блаженства небеснаго нам состраждущий.

Иисусе, пресветлым взором Твоим прозираяй глубину сердца человеческаго.

Иисусе, влекий к Себе сердца Божественными Твоими глаголы.

Иисусе, любовь истинная, научи и нас любити Тебе.

Иисусе, возсияй огнь любве Божественныя в сердцах наших.

Иисусе, образ любве совершенныя нам показующий.

Иисусе, невозвратным желанием последовати Тебе нас вдохновляющий.

Иисусе, Солнце любве незаходимое, научи и нас любви Твоей.

Видя Божественное Твое милосердие к падшему человечеству и любовь совершенную, еяже вся злоба мира одолети не возможе, о Иисусе, Царю мой и Боже мой, ученицы Твоя разумеша, яко Ты еси воистину Христос, Сын Бога Живаго. Мы же на всяк час, от темнаго духа злобы побеждаеми, к милосердию Твоему прибегающе, со слезами вопием: Аллилуиа.

Разум не постигает тайны любве Божественныя, како Сын Божий, Иже ни единаго зла сотвори, смерть восприемлет, да нас смерти свободит, зовущих:

Иисусе, Сыне Ветхаго деньми, образ младенца восприявый.

Иисусе, Матери Твоея Пречистыя Чадо возлюбленное.

Иисусе, сердца Мариина радость неизглаголанная.

Иисусе, краснейший добротою паче всех сынов человеческих.

Иисусе, Апостолов Твоих возлюбленный Учителю.

Иисусе, Марии Магдалине, много возлюбившей Тя, многия прегрешения отпустивый.

Иисусе, старца Симеона благодатное успокоение.

Иисусе, Петра, отвергшагося Тебе, троекратным исповеданием со слезами паки утвердивый.

Иисусе, возлюбленнаго ученика Твоего, яко образ любве, яже к Тебе, нам показавый.

Иисусе, Солнце любве незаходимое, научи и нас любви Твоей.

Силою любве Божественныя озари и ны, Иисусе, и избави нас от всякия злобы, да чистым сердцем возлюбим Тя, Господа Бога нашего, и ближних наших, яко же себе, радостию зовуще: Аллилуиа.

Имеяй богатство милосердия неизреченное, о Иисусе Боже наш, не презри и наша обнищавшая сердца и светом лица Твоего озари нас молящихся:

Читайте также:  Спасо-преображенский монастырь в ярославле - православные иконы и молитвы

Иисусе, любовию ко Отцу Твоему исполненный, научи и нас любити Отца нашего Небеснаго.

Иисусе, всех любовию почитающих Тя от мрака греховнаго спаси.

Иисусе, возлюбленную Матерь Твою в помощь и утешение нам даровавый.

Иисусе, глаголы Божественными: «Милости хощу, а не жертвы» и нас милосердию научивый.

Иисусе, заповедь новую: да любим друг друга нам даровавый.

Иисусе, любы неизреченная, не отлучи нас любве Твоея.

Иисусе, Свете, Егоже тьма не объимет, озари наша омраченныя сердца.

Иисусе, просвети нас любовию Твоею, вся терпящей и вся побеждающей.

Иисусе, учеником скорбящим на пути в Еммаус явивыйся, сотвори, да выну сердца наша горят огнем любве Твоея.

Иисусе, Солнце любве незаходимое, научи и нас любви Твоей.

Бурю волн словом уст Твоих укротивый, Иисусе, Творче мира и стихий Повелителю, утиши бурю страстей в сердцах человек, призывающих имя Твое святое, да пребудут в тишине, единомыслии и любви нерушимей, зовуще: Аллилуиа.

Слышаша ученицы Божественныя Твоя и премудрыя глаголы ужасахуся, глаголюще: «Кто может спасен быти?» Ты же, скорбя о жестокосердии сердца человеческаго, отвещал еси им, яко «вся возможна суть у Бога». Темже и мы вопием Ти:

Иисусе, научи нас творити волю Твою, да пребудем в любви Твоей.

Иисусе, наставляяй нас любити Тя не словом токмо или языком, но делом и истиною, даждь нам ктому не оскорбляти любве Твоея.

Иисусе, запрети духу злобы, иже научает ны ненавидети брата нашего.

Иисусе, всели в сердца наша дух кротости и незлобия.

Иисусе, Свете паче всякаго света.

Иисусе, радость паче всякия радости.

Иисусе, упокоение паче всякаго упокоения.

Иисусе, жизнь вечная и нескончаемая.

Иисусе, Солнце любве незаходимое, научи и нас любви Твоей.

Боготочною Кровию Твоею, на Кресте излиянною, Иисусе, избавил еси ны от власти темнаго духа злобы, и смертию Твоею словеса Твоя запечатлел еси, яко воистину несть больше тоя любве, иже аще кто душу свою положит за други своя. Ты же, Спасе наш, не токмо за други Твоя, но и за распинающия Тя молился еси ко Отцу Твоему. Темже благодарными усты и благодарным сердцем вопием Тебе: Аллилуиа.

Видеша ученицы Твое неизреченное милосердие, яко болящия исцеляеши, мертвыя воскрешаеши, всяк недуг душевный и телесный врачуеши, познаша Тя, Бога любве, и проповедаша Евангелие Твое всей твари. Мы же вопием Ти:

Иисусе, всякий дар любве приемляй, приими и наше недостойное славословие.

Иисусе, умягчи наша жестокая и окамененная сердца.

Иисусе, отжени от нас гнев и памятозлобие.

Иисусе, помози нам не осуждати брата нашего.

Иисусе, научи ны зрети прегрешения наша.

Иисусе, смиривыйся даже до смерти, отдали от нас гордость и высокоумие.

Иисусе, согрей теплотою любве Твоея хладныя души наша.

Иисусе, свободи нас от уныния и печали.

Иисусе, изведи души наша из мрака отчаяния.

Иисусе, Солнце любве незаходимое, научи и нас любви Твоей.

Проповедник Божественныя любве Твоея, о Иисусе, явися возлюбленный Твой ученик и Апостол Иоанн Богослов, иже любовь совершенную стяжав, и нам друг друга любити заповеда, да в единомыслии и любви зовем Ти: Аллилуиа.

Возсиял еси вселенней, Христе, Свете истинный, просвещающий всякаго человека, грядущаго в мир. Темже и мы, светом лица Твоего просвещеннии, взываем Ти сице:

Иисусе, источниче жизни, отверзи очи сердца нашего, да узрим Тя, истинное Солнце правды.

Иисусе, рекий, яко «грядущаго ко Мне не изжену вон», не отрини нас, приходящих к Тебе.

Иисусе, не остави нас, аще и многажды оставихом Тя.

Иисусе, взыщи нас, яко заблуждшее овча.

Иисусе, приведи нас в дом Отца Твоего.

Иисусе, изыди на взыскание наше.

Иисусе, объятия Отча отверсти нам потщися.

Иисусе, в чертог Твой украшенный введи нас.

Иисусе, ризу нам подаждь светлу и одеждею нетления облецы нас.

Иисусе, Солнце любве незаходимое, научи и нас любви Твоей.

Хотя сокровенную тайну от века открыти, миру всему благовестил еси любовь Божию, о Иисусе, да не ктому Бог человеком, яко грозный Судия явится, но яко Отец чадолюбивый, вся призываяй к Себе. О сем радуяся, всяк земнородный с любовию да вопиет: Аллилуиа.

Дивную нам показа Господь милосердия Своего бездну, егда и за распенших Его на Кресте ко Отцу моляшеся. Приидите убо, людие, поклонимся Его долготерпению и, припадающе, возопиим:

Иисусе, любы истинная, озари и нас светом любве Твоея.

Иисусе, веления Отча исполнивый, научи и нас творити волю Отца нашего Небеснаго.

Иисусе, даждь нам любовь совершенную, в нейже страха нет.

Иисусе, даждь нам полноту радости Твоея.

Иисусе, влекий к Себе сердца, привлецы и нас к любви Божественней.

Иисусе, в знамение любве Твоея Тело и Кровь Твою в снедь верным даровавый, даруй нам непрестанно благодарити Тя.

Иисусе, не осуди нас, небрегущих о сем драгоценнем даре любве Твоея.

Иисусе, возбуди в нас желание приимати часть Святынь Твоих во исцеление души и тела и в жизнь вечную.

Иисусе, сподоби нас истее Тебе причащатися в невечернем дни Царствия Твоего.

Иисусе, Солнце любве незаходимое, научи и нас любви Твоей.

Странно Бога любве и милосердия на смерть предана видяще, вся тварь ужасом содрогашеся, недоумевающе: како вместо дани любве и благодарения, клевету и поношение воздаша Тебе неблагодарнии людие. Мы же покланяемся неизреченному Твоему благоутробию, зовуще: Аллилуиа.

Весь был еси любовь к падшему человечеству, о Иисусе, егда на Кресте кротко дух Твой Отцу предав, снизшел еси в преисподняя земли, умершия вся воскресил еси, и нас радости исполнил еси, еяже никтоже возмет от нас. Темже и мы не таим сия радости, но со Ангелом всему миру глаголем: «Рыдания время преста, не плачите, яко воскресе Христос!», но Сему возопийте:

Иисусе, веселие вечное, отдали от нас рыдание слез.

Иисусе, о Марии Магдалине рыдающей умилосердивыйся, плачущим и рыдающим нам благодатное Твое подаждь утешение.

Иисусе, смертию Твоею смерть умертвивый, от смерти вечныя избави души братий и сестер наших скончавшихся.

Иисусе, Агнче Божий, вземляй грехи мира, отпусти им всякая прегрешения, вольная и невольная.

Иисусе, о Лазаре, друге Твоем, слезы пролиявый, отри всяку слезу от очес их.

Иисусе, возшедый во еже уготовати место любящим Тя, всели их во обители Твоя.

Иисусе, всем усопшим, иже не имут сродников о них молящихся, даруй Молитвенницу неусыпающую — Пречистую Матерь Твою.

Иисусе, молитвами Ея и нас, грешных, помилуй.

Иисусе, рекий, яко веруяй в Тя не умрет, но прейдет от смерти в живот, даруй им жизнь вечную.

Иисусе, Радосте безконечная, сподоби и нас радости соединения с ними во Царствии Твоем.

Иисусе, Солнце любве незаходимое, научи и нас любви Твоей.

Все естество Ангельское, Тобою созданное, непрестанно воспевает силу любве Твоея, о Иисусе, земля же и небо, солнце и луна, и вся звезды, и свет, холми же и доли, воды и вся дубравы покланяются Тебе и восхваляют имя Бога Вышняго, научая и нас воспевати Ти: Аллилуиа.

Витии суемудреннии недоумеют, како возможно есть нам себе отвергнутися, да Тя приобрящем. Мы же добре вемы со Апостолом, яко аще и весь мир приобрящем, любве же не имамы, никая польза нам есть. Сия ведуще вопием Ти:

Иисусе, сокровище многоценное, даждь нам обрести Тя, Единаго на потребу.

Иисусе, Свете мира, не отвержи нас, аще и ничтоже благое сотворихом пред Тобою.

Иисусе, приими ны, аще и в единонадесятый час токмо приходим к Тебе.

Иисусе, благоволи пребыти с нами, да радость наша исполнится.

Иисусе, научи ны не радоватися о неправде, но сорадоватися истине.

Иисусе, даждь нам любовь Твою, яже долготерпит и милосердствует.

Иисусе, даждь нам Твою любовь, яже не превозносится, ниже гордится.

Иисусе, даждь нам Твою любовь, яже вся покрывает, всему веру имет, вся уповает и вся терпит.

Иисусе, даруй нам любовь, яже никогдаже упразднится, но пребывает вовек.

Иисусе, Солнце любве незаходимое, научи и нас любви Твоей.

Спасти хотяй мир во зле погибающий, о Иисусе, снизшел еси на землю, всем образ любве совершенныя показуяй. Сего ради Тебе, возлюбленному Господу и Спасителю нашему, со умилением вопием: Аллилуиа.

Царю Небесный, Иисусе Христе, Боже наш, пришедый свободити ны от клятвы законныя, и закон Твой нам даровавый, да любим друг друга. Призри и ныне на окаменение сердец наших, из глубины души Тебе молящихся и вопиющих:

Иисусе, оживотвори нас любовию Твоею.

Иисусе, низпосли нам Духа Твоего Святаго Утешителя.

Иисусе, обрати ны на стези заповедей Твоих, просвети лице Твое на ны, да спасемся.

Иисусе, Ты еси крепость наша и утверждение.

Иисусе, Ты еси Бог наш, Ты еси наше радование.

Иисусе, Ты еси Христос, Сын Бога Живаго.

Иисусе, Ты еси Свет превысший всякаго света.

Иисусе, Ты еси Пасха спасительная, от смерти к жизни нас преводящая.

Иисусе, кто отлучит нас от любви Твоея?

Иисусе, Солнце любве незаходимое, научи и нас любви Твоей.

Пение благодарственное о милосердии Твоем даруй нам принести Тебе, о Иисусе, Спасителю наш, и приими недостойныя наша молитвы. Из глубины души вопием Ти: Господи, Господи, не отвержи нас от Твоего лица, зовущих Тебе: Аллилуиа.

Яко Солнце любве незаходимое, возсиял еси мирови, Иисусе, просвещаяй сущия во тьме. Неразумнии же иудее не восхотеша приити к Тебе, дондеже бе с ними Свет. Мы же Тебе, истинное Солнце правды исповедающе, вопием:

Иисусе, призри с небесе и виждь, и посети виноград сей, егоже насади десница Твоя.

Иисусе, обнови дух любви и милосердия в Церкви Твоей Святей.

Иисусе, не лиши ны блаженства, уготованнаго любящим Тя.

Иисусе, не осуди нас без милости, яко не сотворившия милости.

Иисусе, помилуй вся благодеющия нам и любящия нас.

Иисусе, прости вся ненавидящия и обидящия нас.

Иисусе, умягчи сердца злых человек, возстающих на ны.

Иисусе, удали всякое пререкание и раздоры от среды верующих в Тя.

Иисусе, положи нам союз любве нерасторжимый.

Иисусе, сотвори да вси едини будем, якоже Ты во Отце и Отец в Тебе.

Иисусе, Солнце любве незаходимое, научи и нас любви Твоей.

Благодать подаждь нам, всех благих Подателю, Иисусе, открый нам тайну любве Твоея, избави нас от всякия болезни и скорби в сей временней жизни, не лишены же ны сотвори и Небеснаго Твоего Царствия, зовущих Тебе: Аллилуиа.

Поюще велие чудо любве Твоея, Иисусе, Боже Всещедрый, покланяемся Тебе с любовию и просим прилежно: поспеши избавити нас от всякия скорби и клеветы человеческия, да не охладеет любовь в нас, смиренно зовущих Тебе:

Иисусе, призываяй к Себе вся труждающияся и обремененныя, даруй мир Твой душам нашим.

Иисусе, кроткий и смиренный сердцем, умири наша скорбная сердца.

Иисусе, распрострый на Кресте руце Твои, приими и нас во объятия Твоя.

Иисусе, обещавый пребывати с любящими Тя, пребуди с нами, недостойными, во вся дни живота нашего.

Иисусе, даждь нам познати, яко иго Твое благо и бремя Твое легко есть.

Иисусе, укрепи ны, да вземши крест свой по Тебе грядем.

Иисусе, любы совершенная, утверди ны в вере и любви к Тебе.

Иисусе, милосте безконечная, помилуй нас.

Иисусе, Ты веси, яко любим Тя, но восполни скудость любве нашея от щедрот Твоих.

Иисусе, Солнце любве незаходимое, научи и нас любви Твоей.

О Иисусе Христе, Свете от Света Отчаго, Ты еси любовь Божественная! Егда приидеши со Ангелы на облацех небесных с силою и славою, тогда пощади ны, грешныя, и сподоби нас быти наследники новаго небесе и новыя земли, в нихже любовь Твоя вечная живет, зовущих Тебе: Аллилуиа.

(Этот кондак читается трижды, затем икос 1 и кондак 1).

Премудрый и Всеблагий Господи, Спасителю наш! Просветивый сиянием пришествия Твоего мира концы и сопризвавый нас в Церковь Твою Святую, с обетованием наследия нетленных и вечных благ. Призри милостивно на нас, недостойных рабов Твоих, и не помяни беззаконий наших, но, по безмерному благосердию Твоему, прости нам вся прегрешения наша.

Аще бо и преступаем святую волю Твою, но не отметаемся Тебе, Бога и Спаса нашего: Тебе единому согрешаем, но и Тебе единому служим, в Тя единаго веруем, к Тебе единому прибегаем и Твои точию раби быти хощем.

Помяни немощь естества нашего и обдержащия повсюду искушения врага и прелести и соблазны мира, ихже ради без Тебе, якоже рекл еси, не можем творити ничесоже. Сам очисти и спаси нас. Сам просвети умы наша, еже непоколебимо веровати в Тя, единаго Спаса и Избавителя нашего. Сам подвигни сердца наша, еже всецело любити Тя, единаго Бога Творца нашего.

Сам направи стопы наша, еже непреткновенно ходити во свете заповедей Твоих.

Ей, Господи Спасителю наш, яви нам великую и богатую милость Твою: сотвори, да в преподобии и правде поживем вся дни живота нашего, и тако достойни будем во второе славное пришествие Твое услышати от Тебе милостивое призывание в Царствие Небесное, еже улучити сподоби нас, грешных и недостойных рабов Твоих, и в наслаждении неизреченных красот его славити Тя вкупе со Безначальным Твоим Отцем и Присносущным Божественным Духом во веки веков. Аминь.

Нашли ошибку? Выделите её и нажмите Ctrl+Enter           ↑

Источник: https://www.ThePrayerBook.info/4817-akafist-gospodu-iisusu-hristu-o-darovanii-blagodati-lyubvi.html

Ссылка на основную публикацию