Акафист тихону задонскому, читать акафист святителю тихону

Акафист святителю тихону воронежскому, задонскому чудотворцу

Акафист Тихону Задонскому, читать акафист Святителю Тихону

Избранный угодниче Христов, Святителю отче Тихоне, возсиявый мирови, яко светозарное светило, прославляюще прославльшаго тя Господа, даровавшаго нам в тебе новаго великаго молитвенника и помощника, скораго недугов душевных же и телесных целителя, похвальное воспеваем ти пение: ты же. имеяй велие дерзновение к Владычице небесе и земли, от всяких нас бед свободи зовущих:

Радуйся, Тихоне, великий и преславный Чудотворче.

Икос 1

Ангелов собеседниче и человеков наставниче, ныне, яко Божий служитель, предстоя с вышними лики, Святителю Тихоне, молиши о всех нас Христа Бога нашего и к ведению спасения ны руководиши. Сего ради благодарне во умилении вопием ти:

Радуйся, пречестное Святыя Троицы селение; радуйся, чистотою и святынею Ангелом уподобление. Радуйся, светильниче Божественнаго света; радуйся, всесветлое благодати приятелище.

Радуйся, присный пред Господем наш заступниче; радуйся, теплый пред Ним о нас молитвенниче. Радуйся, скорый в нуждах и скорбех сущим помощниче; радуйся, добрый душ наших наставниче.

Радуйся, Церкве православный утверждение; радуйся, всея земли Российския светлое озарение. Радуйся, Воронежския паствы похвало; радуйся, обители Задонския украшение.

Радуйся, Тихоне, великий и преславный Чудотворче.

Кондак 2

Видя в творениих, аки в зерцале, премудрость и славу Творца всяческих Бога, к Нему духом выну возносился еси,  богомудре: светом же благоразумия твоего и нас озари, да вопием купно с тобою: Аллилуия .

Икос 2

Разум твой божественными ученми просветил еси, богомудре Тихоне, отвергнув всяко плотское мудрование, с разумом же и волю повинул еси Господеви: тем же сосуд чист и селение Духу истины явился еси. Сего ради, яко богомудраго наставника, тя ублажающе, воспеваем сице:

Радуйся, Божия премудрости созерцателю и проповедниче; радуйся, яко от тленнаго мира духовное сокровище, услаждающее души верных, собрал еси. Радуйся, истиннаго благословия златословесный учителю; радуйся, яко уста Христовы, источающа словеса жизни вечныя, был еси.

Радуйся, закона Божия от всея души твоей взыскавый; радуйся, свидений и оправданий Господних возжадавый. Радуйся, яко к небеси ведущими стезями невозвратно шел еси; радуйся, яко на высоту добродетелей возшел еси. Радуйся, яко мысленным оком к невечернему свету — Христову выну взирал еси; радуйся, яко видения пренебеснаго света сподобился еси.

Радуйся, Божия разума исполненный; радуйся, благодатию Духа Святаго приосененный.

Радуйся, Тихоне, великий и преславный Чудотворче.

Кондак 3

Сила Вышняго чудесно спасе тя от напрасныя смерти и яве показа тя сына Царствия Христова суща, Святителю отче Тихоне, егда, во всю нощь пребывающу ти в благомыслии, внезапу небеса отверзошася и явися свет неизреченный. И тако премирныя радости исполнився, возопил еси Богу: Аллилуия .

Икос 3

Имея веру несумненну и помысл чист, вся красная мира сего презрел еси, Тихоне блаженне, и в образе Ангельстем неленостно послужил еси Господу Богу: тем же, аки звезда путеводная, светиши всем, хотящим жити в преподобии и вопиющим тебе:

Радуйся, житию безплотных поревновавый; радуйся, подвигом древних святых отец подражавый. Радуйся, яко приим крест, Христу последовал еси; радуйся, яко образ страстей Его в сердце твоем преднаписал еси.

Радуйся, яко вся козни диавола силою креста Господня разрушил еси; радуйся, яко похотения греховная молитвою и терпением победил еси. Радуйся, яко угождал еси Господу всяким благоугождением; радуйся, преукрашенная храмино добродетелей.

Радуйся, красото смиренномудрия и воздержания; радуйся, образе кротости и послушания. Радуйся, постников веселие и иноков похвало; радуйся, болий в лике преподобных.

Радуйся, Тихоне, великий и преславный Чудотворче.

Кондак 4

Бурю внутрь имея помышлений, недоумеваше раб Божий, что речет о нем Господь, егда людие проразумеваху его достойна быти святительства: обаче всего себе Христу Богу предаде. Тому о всех благодарение возсылая, зовый: Аллилуия .

Икос 4

Слышавше людие о благоплодных добротах души твоея, Богоносне Тихоне, желанием вожделеша тя видети на степени святительства.

Егда же собор Архиереев недоумеваше вдати тебе жезл пастырства, зане юн был еси, абие трикраты свыше свидетельствован еси, яко достойный сосуд Божественныя благодати, вся немощная врачующия и оскудевающая восполняющий.

Тем же, дивящеся чудному промышлению Бога о тебе, приносим ти сицевая благохваления:

Радуйся, Архиерею, от Самого Господа пронареченный; радуйся, мужу желаний, пасти стадо Христово свыше избранный. Радуйся, Пастыреначальника Иисуса благоволение; радуйся, иерархов украшение. Радуйся, яко от утра жизни твоея на стражбу словеснаго стада избран был еси; радуйся, яко и до вечера жития твоего сущия в вере неленостно назидал еси.

Радуйся, пастырю добрый, яко готов был еси душу твою положити за овцы своя; радуйся, многосветлый Церкве светильниче. Радуйся, Апостолов сопричастниче; радуйся, великих святителей сопрестольниче.

Радуйся, яко первопрестольнику паствы твоея, Митрофану освященному, равночестен показался еси; радуйся, яко преемником твоим верный ко спасению путеводитель соделался еси.

Радуйся, Тихоне, великий и преславный Чудотворче.

Кондак 5

Боготечная звезда явился еси всем христианом, Святителю отче Тихоне: деянми бо и ученми твоими не точию во дни живота твоего добре назидал еси паству твою, но и по честнем успении твоем всем верным показуеши правы стези Царствия Христова, и научаеши присно взывати к Богу: Аллилуия .

Икос 5

Видя себе поставлена на степени архиерейства, Святителю отче наш Тихоне, не дал еси сна очам твоим, ниже веждом дремания, поставляя пастве твоей пастыри смысленны и вся люди управляя ко спасению. Мы же, ведуще тя быти пастыреначальника богомудренна и строителя дому Божия добра, взываем к тебе:

Радуйся,   крепкое   кормило Христовы Церкве; радуйся, нивы Господни удобрение. Радуйся, верных надежное утверждение; радуйся, неверных богомудренное обличение. Радуйся, Христова вертограда делателю неусыпный; радуйся, душетленному зверю стадо твое расхищати не попустивый.

Радуйся, храмов благолепия рачителю; радуйся, верный тайн святых строителю. Радуйся, яко стражей дому Божия на стражбу недремленну уготовал еси; радуйся, яко пастырем проповедати благовременне и безвременне заповедал еси.

Радуйся, благий и верный рабе Божий; радуйся, яко вшел еси в радость Господа твоего.

Радуйся, Тихоне, великий и преславный Чудотворче.

Кондак 6

Проповедник воистину благочестия явился еси, Святителю отче наш Тихоне, егда увидев безстудное   празднество во граде твоем, яко добр воин Христов, притекл еси на игрище бесовское и словом вразумил еси заблуждшия, научая всех взывати Единому Истинному Богу: Аллилуия .

Икос 6

Возсиял еси, яко звезда лучезарная, Воронежской пастве, блистанием учений твоих озаряя души верных и разгоняя тму нечестия и суеверия. И ныне сладостию писаний твоих насыщаеши вся алчущия и жаждущия правды, иже благодарне и взывают к тебе:

Радуйся, наставниче всех к небеси направляяй; радуйся,  проповедниче  покаяния,  заблуждших к исправлению воззываяй. Радуйся, славы Божия истинный ревнителю; радуйся, страннаго суеверия потребителю. Радуйся, яко душетленныя обычаи обличил еси; радуйся, яко безстудное игрище упразднил еси.

Радуйся, имже сатана посрамися; радуйся, имже Христос прославися. Радуйся, яко и по смерти твоей души верных назидаеши в благочестии сладостию писаний твоих; радуйся, яко в них сокровище, драгоценнейшее злата и сребра, нам оставил еси.

Радуйся, златоусте Российския Церкве; радуйся, паствы твоей присное радование.

Радуйся, Тихоне, великий и преславный Чудотворче.

Кондак 7

Хотяй невозбранно возноситися духом в горняя селения, благотишие пустыни возлюбил еси, Богоносе отче Тихоне, и тамо вселився, сподобился еси видети Господа, от иконы, аки от Голгофы, к тебе грядуща, вопия к Нему: Аллилуия .

Икос 7

Новым подвигом духовным вдал еси себе, Богоносе отче Тихоне, егда всесовершительнаго Духа благодать призва тя служити Господеви в безмолвии: имый бо помысл превыше мира, возлюбил еси смирение глубокое и молитвы непрестанныя. Сего ради и крепость духовную подаде тебе Подвигоположник Христос и сподоби тя видений благодатных, да и мы, ведуще таковая, ублажаем тя:

Радуйся,   любителю безмолвия, духом твоим в вышних обитавый; радуйся, самоотвержение всецелое показавый. Радуйся, во бдениих и молитвах неослабно пребывал еси; радуйся, безстрастие умерщвлением страстей твоих стяжал еси.

Радуйся, Господа распятаго на кресте выну пред собою предзревый; радуйся, и телесныма очима видети Христа Иисуса сподобивыйся. Радуйся, яко пречистым стопам Его поклонился еси; радуйся, яко спасительныя язвы Его облобызал еси.

Радуйся, исполнь веселия, егда явися тебе Богоматерь купно со Апостолы; радуйся, яко в славословии ликовствовал еси со Ангелы. Радуйся, таинниче Божий, еще на земли вкусивый небесных благ; радуйся, ангеле земный и человече небесный.

Радуйся, Тихоне, великий и преславный Чудотворче.

Кондак 8

Странно и велико незлобие показа, преблаженный, егда един буий и злонравный удари его в ланиту; он же, Агнцу Христу поревновав, до земли поклонися биющему, моля Бога о прощении ему. Тем же дивящеся незлобию его, поем Богу: Аллилуия .

Икос 8

Весь исполнь любве Христовы, Тихоне благосерде, душу твою полагал еси за други твоя, и аки Ангел Хранитель присущ был еси ближним же и дальным, озлобленныя укрощая, враждующия примиряя, и спасение всем устрояя. Сего ради чтим святую память твою и усердно вопием ти:

Радуйся, проповедниче любве, еюже Бог примири Себе человеки; радуйся, отче благосердый, взыскавый спасения многих. Радуйся, смирения и незлобия учителю; радуйся, терпения и миролюбия наставниче.

Радуйся, яко за правду претерпел еси заушение; радуйся, яко за враги твоя умолял еси Господа. Радуйся, егоже любовь победи всяку вражду; радуйся, егоже незлобие покори буяя сердца. Радуйся, миротворче благословенный; радуйся, мзду миротворцев наследивый.

Радуйся, научивый заповедем Христовым и сотворивый я; радуйся, великий в Царствии Небеснем.

Радуйся, Тихоне, великий и преславный Чудотворче.

Кондак 9

Всем был еси вся, якоже и святый Павел, да всяко некия спасеши, Богомудре: сразсуждая бо немощному естеству человеческому, не укорил еси брата твоего, неподобающия посту снеди ядуща, но абие седши купно с другом его, от трапезы тоя мало вкусил еси. Поминающе убо таковое благоснисхождение твое, вопием к прославльшемуся в тебе человеколюбцу Богу: Аллилуия .

Икос 9

Ветии многовещанныя не возмогут по достоянию изрещи твоих благодеяний множество, Святителю отче Тихоне: щедродательная бо десница твоя всюду досязаше. Мы же, благосердию твоему подражати хотяще, во удивлении взываем к тебе:

Радуйся, лучу любве Божия; радуйся, сокровище милосердия Спасова неистощимое. Радуйся, ближния твоя паче себе возлюбивый; радуйся, в меньших братиях твоих самого Христа видевый. Радуйся, яко нищия поминая, хлеб твой слешами орошал еси; радуйся, яко питие твое плачем о них растворял еси.

Радуйся, яко имения твоя неимущим расточал еси; радуйся,  яко щедродательная десница твоя николиже оскуде. Радуйся, яко больныя и в темнице заключенныя посещал еси; радуйся, яко нужды бедных предварял еси.

Радуйся, словом и примером затворенныя на благостыню сердца отверзавый; радуйся,  милостивых  блаженство  от Господа стяжавый.

Радуйся, Тихоне, великий и преславный Чудотворче.

Кондак 10

Спастися всем хотяй преблагий Господь яви тя, Святителю отче наш Тихоне, образ жития праведнаго: кто бо не умилится, видя твое безмерное ко всем благосердие. Тем же велию к нам милость Божию славяще, вопием: Аллилуия .

Икос 10

Стена был еси помощи и заступления всем безпомощным и нападствуемым, Святителю Тихоне, и милосердия неистощимое сокровище. Сего ради славяще Бога, дивнаго во Святых Своих, и тя ублажаем:

Радуйся, безкровных пристанище; радуйся, всех безпомощных скорый помощниче. Радуйся, сирых питателю и призрение; радуйся, скудных земледельцев снабдение. Радуйся, скорбящим прибежище; радуйся, печальным утешение.

Радуйся, обидимым заступление; радуйся, обидящих вразумление. Радуйся, угнетенным защитниче; радуйся, сильным мира сего небоязненный Суда Божия провозвестниче.

Радуйся, яко за правду претерпел еси скорби; радуйся, яко стяжал еси блаженство гонимых ради правды.

Радуйся, Тихоне, великий и преславный Чудотворче.

Кондак 11

Пение у гроба твоего угодниче Божий, Святителю отче Тихоне, не умолче от дне блаженнаго успения до дне светлаго прославления твоего: мнози бо ведаху тя богоносна и равноангельна суща. Ныне же вся Российская земля благодарно вопиет прославльшему тя Богу: Аллилуия .

Икос 11

Светило быв, вся концы земли Российския озарил еси, Святителю приснопамятне.

Читайте также:  Венчание в православной церкви правила таинства обряда, как проходит и что дарят

Егда же приспе время отшествия твоего, Божественнии Ангели прияша святую душу твою и в небесныя обители вознесоша; тело же твое честное Троица вседетельная содела нетленно и источник чудес показа на утверждение православныя веры, на обличение же неверия и суеверия. Тем же, поминающе блаженное успение и велие твое на небеси и на земли прославление, с радостию приносим ти благохваления сия:

Радуйся, великий угодниче Божий, течение благочестне скончавый; радуйся, веру, надежду и любы до конца сохранивый. Радуйся, по трудех странствия земнаго сладце в селениих небесных почивый; радуйся, яко смерть приявый, тления же не познавый. Радуйся, со Христом, Егоже возлюбил еси, на веки соединивыйся; радуйся, Царствия Небеснаго и славы вечныя наследниче.

Радуйся, яко нетлением мощей твоих спасительную силу воскресения Христова являеши; радуйся, яко оным зарю общаго воскресения нам показуеши. Радуйся, истины православия несомненное уверение; радуйся, в Церкви присущия благодати неложное извещение. Радуйся, земнаго отечества твоего новое светило и утверждение; радуйся, царства православнаго покрове и защищение.

Радуйся, Тихоне, великий и преславный Чудотворче.

Кондак 12

Благодать чудес многообразных, вселився в небеси, приял еси от Господа, преблаженне Тихоне. Сего ради подаеши исцеления всем, притекающим к тебе с верою. Мы же, дивящеся в тебе всемогуществу и благости Бога, вопием Ему: Аллилуия .

Икос 12

Поюще дивное прославление святаго телесе твоего, видим тя, богоблаженне Святителю Тихоне, присно зде источающа потоки чудес, и в удивлении восхваляюще тя, зовем:

Радуйся, живоносный источниче, благодать исцелений изливающий нам от всечестныя раки твоея; радуйся, всех одержимых недуги непостыдное прибежище. Радуйся, слепых прозрение; радуйся, немых ясное глаголание. Радуйся, яко от одра разслабленныя воздвизаеши; радуйся, яко стужаемыя от бесов свобождаеши.

Радуйся, сухорукия и сляченныя к деланию исправляяй; радуйся, хромым и ничащим хождение подаваяй. Радуйся, телес наших благосострадательный врачу и хранение; радуйся, и душ наших к Царствию Небесному возведение.

Радуйся, емуже сорадуются Ангели и о немже веселятся человецы; радуйся, имже Бог дивен во Святых Своих является.

Радуйся, Тихоне, великий и преславный Чудотворче.

Кондак 13

О великий и преславный Чудотворче, Святителю Христов отче Тихоне, приими сие похвальное пение от нас недостойных во умилении тебе приносимое, и твоим теплым предстательством у престола Божия испроси нам утверждение в вере и добрых делех, избавление от всех бед и напастей в жизни сей, в смертнем же успении нашем благую надежду спасения, да сподобимся в радости вечней воспевати дивному во Святых Богу: Аллилуия .

(Этот кондак читается трижды, затем икос 1 и кондак 1)

Молитва

О всехвальный святителю и угодниче Христов, отче наш Тихоне! Ангельски на земли пожив, ты яко ангел благий явился еси и в дивнем твоем прославлении: веруем от всея души и помышления, яко ты, благосердый наш помощниче и молитвенниче, твоими неложными ходатайствы и благодатию, от Господа обильно тебе дарованною, присно способствуеши нашему спасению: приими убо, ублажаемый угодниче Христов, и в час сей наша недостойная моления: свободи ны твоим заступлением от облегающаго нас суесловия и суемудрия, неправоверия и зловерия человеческаго: потщися, скорый о нас предстателю, благоприятным твоим ходатайством умолити Господа, да пробавит Своя великия и богатыя милости на нас грешных и недостойных рабех Своих, да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениих наших, и да избавит ны от вечных мук и огня геенскаго: всем же верным людем Своим да дарует в нынешнем веце мир и тишину, здравие и спасение и во всем благое поспешение, да тако, тихое и безмолвное житие поживше во всяком благочестии и чистоте, сподобимся со ангелы и со всеми святыми славити и воспевати всесвятое имя Отца и Сына и Святаго Духа во веки веков.

Источник: http://xn--80aafxiqcbbffb0agpc0d.xn--p1ai/akafistnik/online/ak_sv_33.html

Молитва тихону задонскому читать

Религиозное чтение: молитва тихону задонскому читать в помощь нашим читателям.

О, великий Угодниче Божий и преславный Чудотворче, Святителю отче наш Тихоне! Со умилением преклонше колена и припадая к раце честных и многоцелебных мощей твоих, хвалим, славим и величаем прославльшаго тя Бога, и нам недостойным показавшаго в тебе велию милость, и всеусердно, верою и любовию чтущий святую память твою, молим тя: принеси молитву нашу к вся содержащему и спасающему человеколюбцу Господу, Емуже ты ныне с лики Ангел и со всеми Святыми предстоиши, да утвердит во святей Своей православной Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, пастырем ея да даст святую ревность попечения о спасении вверенных им людей — право верующия соблюдати, слабый и немощныя в вере укрепляти, неведущия наставляти, противныя обличати. И паки припадающе, с упованием, якоже чада отца нам суща, молим тя, Святителю Тихоне, веруем бо, яко ты, на небесех живый, любиши ны тою же любовию, еюже вся ближняя твоя возлюбил еси, внегда пребывати тебе на земли, испроси у всемилостиваго Господа и всем нам подати дар коемуждо благопотребен и вся, яже к животу временному и вечному полезная, мира умирение, градов наших утверждение, земли плодоносие, от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возстановление, заблуждающим на путь истины возвращение, подвизающимся в делех благих укрепление, благоделающим преспеяние, родителем благословение, чадом в страсе Господнем воспитание и научение, наставником ведение и благочестие, неведущим вразумление, сирым, неимущим и убогим помощь и заступление, отходящим от сего временнаго жития к вечному благое уготовление и напутствование, отшедшим блаженное упокоение. Сих всех, наипаче, проси нам, Святче Тихоне, у Щедродавца Бога, яко имый велие к Нему дерзновение: тебе бо стяжахом приснаго заступника и теплаго молитвенника о нас пред Господем, Емуже подобает всякая слава, честь и поклонение. Отцу и Сыну и Святому Духу, ныне и присно и во веки веков. Аминь.

О всехвальный Святителю и Угодниче Христов, отче наш Тихоне! Ангельски пожив на земли, ты яко Ангел благий явился еси и в дивнем твоем прославлении.

Веруем от всея души и помышления, яко ты, благосердый наш помощниче и молитвенниче, твоими неложными ходатайствы и благодатию, обильно дарованною тебе от Господа, присно способствуещи нашему спасению.

Приими убо, ублажаемый Угодниче Христов, и в час сей наша недостойная моления: свободи ны твоим заступлением от облегающаго нас суесловия и суемудрия, неправоверия и зловерия человеческаго.

Потщися, скорый о нас предстателю, благоприятным твоим ходатайством умолити Господа, да прибавит Своя великия и богатыя милости на нас грешных и недостойных рабех Своих, да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениих наших и да избавит ны вечных мук и огня геенскаго; всем же верным людем Своим да дарует в нынешнем веце мир и тишину, здравие и спасение и во всем благое поспешение, да тако, тихое и безмолвное житие поживше во всяком благочестии и чистоте, сподобимся со Ангелы и со всеми Святыми славити и воспевати всесвятое имя Отца и Сына и Святаго Духа. Аминь.

О святителю, отче наш Тихоне! Услыши нас и потщися благоприятным твоим ходатайством умолити Господа, да пробавит Своя великия и богатыя милости на нас, грешных и недостойных рабех Своих (имена), да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениях наших и да избавит ны от вечных мук и огня геенскаго, да дарует в нынешнем веце мир и тишину, здравие и спасение, да тако сподобимся, со Ангелы и со всеми святыми, славити и воспевати всесвятое имя Отца и Сына и Святаго Духа, во веки веков.

О великий угодниче Божий и преславный чудотворче святителю отче наш Тихоне! Со умилением припадающе к иконе твоей, молим тя: принеси молитву нашу к человеколюбцу Господу, да дарует же с долгоденствием душевное же и телесное здравие рабам Божиим (имена) и прихожанам святаго храма сего, да пробавит Своя великия и богатыя милости на нас, грешных и недостойных рабех Своих, да растворит окаменелыя сердца наша слезами умиления и сокрушения о премногих согрешениях наших и да избавит ны от вечных мук и огня геенского, да поем и славим неизреченныя щедроты Человеколюбца Бога, Отца и Сына и Святаго Духа, и твое отеческое заступление, во веки веков. Аминь.

Тропарь святителю Тихону Задонскому

От юности возлюбил еси Христа, блаженне, образ всем был еси словом, житием, любовию, духом, верою, чистотою и смирением темже и вселился еси в небесныя обители, идеже предстоя престолу Пресвятыя. Троицы, моли, святителю Тихоне, спастися душам нашим.

Православия наставнице, благочестия учителю, покаяния проповедниче, Златоустаго ревнителю, пастырю предобрый, новый России светильниче и чудотворче, паству твою добре упасл еси и писаньми твоими вся ны наставил еси, темже венцем нетления украшен от Пастыреначальника, моли Его спастися душам нашим.

Апостолов приемниче, святителей украшение, Православныя Церкве учителю, Владыце всех молися мир вселенней даровати и душам нашим велию милость.

Акафист епископу Тихону Воронежскому, чудотворцу Икона Святителю Тихону Воронежскому, Задонскому чудотворцу

Популярные молитвы:

Молитвы Иоанну Кронштадтскому святому праведному

Молитвы Преподобному Иову Почаевскому

Молитвы Великомученику Иоанну Новому, Сочавскому

Молитвы святому великомученику Георгию Победоносцу

Молитвы преподобным Зосиме, Савватию и Герману, Соловецким Чудотворцам

Молитва святой преподобной Марии Египетской

Молитва преподобному Никите Столпнику, Переславскому чудотворцу

Молитвы преподобному Антонию Великому

Молитва святителю и чудотворцу Ермогену, Патриарху Московскому

Молитва мученику младенцу Гавриилу Белостокскому

Mолитва новомученикам и исповедникам Российским

Молитва преподобному Герману Соловецкому

Молитва матери о своих детях

Молитвы Пресвятой Богородице

Православные информеры для сайтов и блогов Все молитвы .

Молитвы святым

Память: 19 июля / 1 августа, 13 / 26 августа (Представление и второе обретение мощей)

Святитель Тихон Задонский – великий христианский учитель и проповедник, автор известных сочинений: «О седми Святых Тайнах», «Прибавление к должности священнической», «О таинстве Покаяния», «Правила монашеского жития», «Наставления обратившимся от суетного мира», «Сокровище духовное, от мира собираемое», «Об истинном христианстве» и многих других.

Миссионер и искоренитель языческих суеверий и обычаев, необычайный аскет и молитвенник, архипастырь, проникнутый смирением и любовью к пастве. Обладал даром прозорливости и чудотворения. Очень быстро после кончины приобрел всенародную любовь и добрую славу чудотворца и защитника христиан. На официальном открытии его мощей в крохотный Задонск собралось до 300 тыс.

богомольцев!

Святитель Тихон – небесный покровитель монахов и церковного клира, миссионеров и катехизаторов, студентов семинарий.

Святителю Тихону молятся о даровании кротости и незлобия, аскетических подвигах, об избавлении от любых болезней, но особенно от болезней душевных: печали и уныния, от избавления от алкоголизма и наркомании, душевного помешательства и беснования.

Немалому количеству людей святитель Тихон помог вернуть зрение, и возможность ходить, к нему также обращаются за помощью в крайней нужде и нищете.

Тропарь святителю Тихону, епископа Воронежскому, Задонскому чудотворцу, глас 8

От юности возлюбил еси Христа, блаженне, образ всем был еси словом, житием, любовию, духом, верою, чистотою и смирением, темже и вселился еси в Небесныя обители, идеже предстоя Престолу Пресвятыя Троицы, моли, святителю Тихоне, спастися душам нашим.

Кондак святителю Тихону, епископа Воронежскому, Задонскому чудотворцу, глас 8

Апостолов преемниче, святителей украшение, Православный Церкве учителю, Владьще всех молися мир вселенней даровати и душам нашим велию милость.

Читайте также:  Даниловский монастырь: расписание, как добраться, иконы и мощи

Молитва святителю Тихону Задонскому чудотворцу, епископу Воронежскому

О всехвальный святителю и угодниче Христов, отче наш Тихоне! Ангельски на земли пожив, ты яко ангел благий явился еси и в давнем твоем прославлении: веруем от всея души и помышления, яко ты, благосердый наш помощниче и молитвенниче, твоими неложными ходатайствы и благодатию, от Господа обильно тебе дарованною, присно способствуеши нашему спасению. Приими убо, ублажаемый угодниче Христов, и в час сей наша недостойная моления: свободи ны твоим заступлением от облегающаго нас суесловия и суемудрия, неправоверия и зловерия человеческаго; потщися, скорый о нас предстателю, благоприятным твоим ходатайством умолити Господа, да пробавит Своя великия и богатыя милости на нас грешных и недостойных рабех Своих (имена), да уврачует Своею благодатию неисцеленныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениих наших, и да избавит ны от вечных мук и огня геенскаго; всем же верным людем Своим да дарует в нынешнем веце мир и тишину, здравие и спасение и во всем благое поспешение, да тако, тихое и безмолвное житие поживше во всяком благочестии и чистоте, сподобимся со Ангелы и со всеми святыми славити и воспевати всесвятое имя Отца и Сына и Святаго Духа во веки веков.

Молитва общая святителям Митрофану и Тихону, Воронежским чудотворцам

О велицыи угодницы Божии, крепцыи наши заступницы и молитвенницы, всехвальнии святителие Христови и чудотворцы Митрофане и Тихоне! Услышите нас, к вам припадающих и с верою вас призывающих. Поминайте нас у Престола Вседержителя и молитеся о нас непрестанно ко Христу, Богу нашему, дадеся бо вам благодать молитися за ны.

Умолите предстательством вашим Всемилостиваго Бога нашего, да подаст Он Церкви Святей мир, пастырем ея – силу и ревность подвизатися о спасении людей и всем нам – дар, коемуждо потребен: веру истинную, надежду твердую и любовь неоскудевающую, да сохранит нас от глада, губительства, труса, потопа, огня, меча, нашествия иноплеменных, междоусобныя брани, смертоносныя язвы, внезапныя смерти и от всякаго зла; юным и младенцем да дарует благое в вере возрастание, старым и немощным – утешение и подкрепление, болящим – исцеление, сиротам и вдовицам – милость и заступление, заблуждшим – исправление, бедствующим – благовременную помощь. Не посрамите нас во уповании нашем, споспешествуйте, яко отцы чадолюбивии, и нам понести иго Христово во благодушии и терпении, и всех управите в мире и покаянии непостыдно скончати живот свой и Царствия Небеснаго сподобитися, идеже вы ныне водворяетеся со Ангелы и всеми святыми, прославляюще Бога, в Троице славимаго, Отца и Сына и Святаго Духа. Аминь.

Молитва святителю Тихону Задонскому:

  • Молитва святителю Тихону Задонскому чудотворцу, епископу Воронежскому. Святитель Тихон Задонский – великий христианский учитель и проповедник, миссионер и искоренитель языческих суеверий и обычаев, необычайный аскет и молитвенник, архипастырь, проникнутый смирением и любовью к пастве. Обладал даром прозорливости и чудотворения. Святитель Тихон Задонский – небесный покровитель монахов и церковного клира, миссионеров и катехизаторов, студентов семинарий. Святителю Тихону молятся о даровании кротости и незлобия, аскетических подвигах, об избавлении от любых болезней, но особенно от болезней душевных: печали и уныния, от избавления от алкоголизма и наркомании, душевного помешательства и беснования. Немалому количеству людей святитель Тихон помог вернуть зрение, и возможность ходить, к нему также обращаются за помощью в крайней нужде и нищете

Акафист святителю Тихону Задонскому:

  • Акафист святителю Тихону Задонскому

Канон святителю Тихону Задонскому:

  • Канон святителю Тихону Задонскому

Житийная и научно-историческая литература о святителе Тихоне Задонском:

  • Святитель Тихон Задонский – Православие.Ru

Труды святителя Тихона Задонского:

  • Чему учит нас Христово Преображение? – святитель Тихон Задонский

Читать другие молитвы раздела «Православный молитвослов»

Источник: https://xn——6kccgdvsdzky9au.xn--p1ai/molitva-tihonu-zadonskomu-chitat/

Акафист святителю Тихону Задонскому, автора Коллектив авторов

Святитель Тихон родился в 1724 году в семье беднейшего причетника села Короцка и вскоре лишился своего родителя. Детство и отрочество его прошли среди ужасной нищеты: иногда целый день ему приходилось работать у жителей родного села ради куска хлеба. Чудесное спасение от смертной опасности и некоторые видения расположили его к принятию иночества. В 1758 г.

его постригли в монашество с именем Тихон. В 1761 г., на 37 году жизни иеромонах Тихон, по явному указанию свыше, был избран епископом. Последние 16 лет жизни провел на покое в Задонском монастыре. Все время, за исключением 4-5 часов отдыха, у него посвящалось молитве, чтению слова Божия, делам благотворительности и составлению душеполезных сочинений.

Часто в простой монашеской одежде он отправлялся в ближайший город (Елец) и посещал заключенных местной тюрьмы. Он утешал их, располагал к покаянию и затем наделял милостыней. По природе горячий и вспыльчивый, он был удивительно кроток и незлобив. Святой Тихон обладал даром прозрения и совершения чудес.

В 1778 году, когда родился император Александр I, святитель предсказал многие события его царствования и в частности, что Россия спасется, а Захватчик (Наполеон) погибнет. Блаженная кончина святителя Тихона последовала 13 августа 1783 г. Через 63 года были открыты его нетленные мощи, а в 1861 г. его причислили к лику святых.

Святитель Тихон — небесный покровитель монахов и церковного клира, миссионеров и катехизаторов, студентов семинарий. Святителю Тихону молятся о даровании кротости и незлобия, аскетических подвигах, об избавлении от любых болезней, но особенно от болезней душевных: печали и уныния, от избавления от алкоголизма и наркомании, душевного помешательства и беснования.

Немалому количеству людей святитель Тихон помог вернуть зрение, и возможность ходить, к нему также обращаются за помощью в крайней нужде и нищете.

https://www.youtube.com/watch?v=wHVg1FGWOpc

Книга «Акафист святителю Тихону Задонскому» автора Коллектив авторов оценена посетителями КнигоГид.Для бесплатного просмотра предоставляются: аннотация, публикация, отзывы, а также файлы на скачивания.

В нашей онлайн библиотеке произведение Акафист святителю Тихону Задонскому можно скачать в форматах epub, fb2, pdf, txt, html или читать онлайн.

Онлайн библиотека КнигоГид непременно порадует читателей текстами иностранных и российских писателей, а также гигантским выбором классических и современных произведений. Все, что Вам необходимо — это найти по аннотации, названию или автору отвечающую Вашим предпочтениям книгу и загрузить ее в удобном формате или прочитать онлайн.

Источник: https://knigogid.ru/books/963553-akafist-svyatitelyu-tihonu-zadonskomu

0D8AB 8E C 704 A C — Скачать mp3 бесплатно

Jason Mraz — More Than Friends (feat. Meghan Trainor) [Official Video]

Jaden Smith — The Passion

Lukas Graham — Love Someone [OFFICIAL LYRIC VIDEO]

Eminem — Lucky You ft. Joyner Lucas

Mariah Carey — GTFO

Brett Young — Here Tonight

5 Seconds Of Summer — Valentine

Gorillaz — Tranz (Official Video)

Lennon Stella // «Bad»

Here I Am (from the Dumplin' Original Motion Picture Soundtrack [Audio])

Lana Del Rey — Mariners Apartment Complex

Sarah Close — Crazy Kind (Lyric Video)

The Chainsmokers & NGHTMRE — Save Yourself (Official Video)

Eric Church — Monsters (Official Lyric Video)

Gucci Mane, Bruno Mars, Kodak Black — Wake Up In The Sky [Official Audio]

Mozzy — Thugz Mansion (Official Video) ft. Ty Dolla $ign, YG

Major Lazer — All My Life (feat. Burna Boy) (Official Music Video)

Hozier — Nina Cried Power ft. Mavis Staples

Kevin Gates — Money Long [Official Music Video]

Niall Horan — Finally Free (From «Smallfoot») (Official Video)

Joji — SLOW DANCING IN THE DARK

G-Eazy — Rewind (Official Video) ft. Anthony Russo

Black Eyed Peas — BIG LOVE (Audio)

Carrie Underwood — Love Wins (Official Music Video)

Dua Lipa — IDGAF (Live)

Jesus Culture — Not Afraid (Official Lyric Video)

LANY — Thick And Thin (lyric video)

Nicki Minaj — Barbie Dreams

MAX — Still New York ft. New York City Gay Men's Chorus (Live on the Elvis Duran Show)

Kiana Ledé — EX

Alice Merton — Why So Serious (Official Video)

Austin French — Spirit Speak (Audio) ft. Joscelyn French

Cautious Clay — Crowned (OFFICIAL VIDEO)

Aaron Aye — On Cue (Official Video)

Zedd, Elley Duhé — Happy Now

MAGIC! — Expectations (Official Video)

Kanye West & Lil Pump ft. Adele Givens — «I Love It» (Official Music Video)

Tori Kelly — Psalm 42 (Live)

Courtney Marie Andrews — Heart and Mind

Hozier — Nina Cried Power (ft. Mavis Staples)

Lauren Daigle — Rebel Heart (audio video)

Yungen — Intimate (Official Video) ft. Craig David

Amber Mark — Put You On ft. DRAM

YoungBoy Never Broke Again — Demon Seed (Official Video)

Charlie Puth — The Way I Am (Acoustic) [Official Video]

NikkiLou — Type of Way (Official Video)

Dustin Lynch — Good Girl

Logic — Everybody Dies (Official Audio)

Eminem — Fall

Silk City, Dua Lipa — Electricity (Official Video) ft. Diplo, Mark Ronson

Источник: https://mp3skazka.ru/music/%D0%90%D0%BA%D0%B0%D1%84%D0%B8%D1%81%D1%82-%D0%A2%D0%B8%D1%85%D0%BE%D0%BD%D1%83-%D0%B7%D0%B0%D0%B4%D0%BE%D0%BD%D1%81%D0%BA%D0%BE%D0%BC%D1%83.html

Акафист епископу Тихону Воронежскому чудотворцу

Кондак 1

Избранный угодниче Христов, Святителю отче Тихоне, возсиявый мирови, яко светозарное светило, прославляюще прославльшаго тя Господа, даровавшаго нам в тебе новаго великаго молитвенника и помощника, скораго недугов душевных же и телесных целителя, похвальное воспеваем ти пение: ты же. имеяй велие дерзновение к Владычице небесе и земли, от всяких нас бед свободи зовущих: Радуйся, Тихоне, великий и преславный Чудотворче.

Икос 1

Ангелов собеседниче и человеков наставниче, ныне, яко Божий служитель, предстоя с вышними лики, Святителю Тихоне, молиши о всех нас Христа Бога нашего и к ведению спасения ны руководиши.

Сего ради благодарне во умилении вопием ти: Радуйся, пречестное Святыя Троицы селение; Радуйся, чистотою и святынею Ангелом уподобление. Радуйся, светильниче Божественнаго света; Радуйся, всесветлое благодати приятелище.

Радуйся, присный пред Господем наш заступниче; Радуйся, теплый пред Ним о нас молитвенниче. Радуйся, скорый в нуждах и скорбех сущим помощниче; Радуйся, добрый душ наших наставниче.

Радуйся, Церкве православный утверждение; Радуйся, всея земли Российския светлое озарение. Радуйся, Воронежския паствы похвало; Радуйся, обители Задонския украшение. Радуйся, Тихоне, великий и преславный Чудотворче.

Кондак 2

Видя в творениих, аки в зерцале, премудрость и славу Творца всяческих Бога, к Нему духом выну возносился еси, Богомудре: светом же благоразумия твоего и нас озари, да вопием купно с тобою: Аллилуиа.

Икос 2

Разум твой Божественными ученми просветил еси, Богомудре Тихоне, отвергнув всяко плотское мудрование, с разумом же и волю повинул еси Господеви: тем же сосуд чист и селение Духу истины явился еси.

Сего ради, яко богомудраго наставника, тя ублажающе, воспеваем сице: Радуйся, Божия премудрости созерцателю и проповедниче; Радуйся, яко от тленнаго мира духовное сокровище, услаждающее души верных, собрал еси. Радуйся, истиннаго благословия златословесный учителю; Радуйся, яко уста Христовы, источающа словеса жизни вечныя, был еси.

Радуйся, закона Божия от всея души твоей взыскавый; Радуйся, свидений и оправданий Господних возжадавый. Радуйся, яко к небеси ведущими стезями невозвратно шел еси; Радуйся, яко на высоту добродетелей возшел еси.

Радуйся, яко мысленным оком к невечернему свету — Христову выну взирал еси; Радуйся, яко видения пренебеснаго света сподобился еси. Радуйся, Божия разума исполненный; Радуйся, благодатию Духа Святаго приосененный. Радуйся, Тихоне, великий и преславный Чудотворче.

Кондак 3

Сила Вышняго чудесно спасе тя от напрасныя смерти и яве показа тя сына Царствия Христова суща, Святителю отче Тихоне, егда, во всю нощь пребывающути в благомыслии, внезапу небеса отверзошася и явися свет неизреченный. И тако премирныя радости исполнився, возопил еси Богу: Аллилуиа.

Икос 3

Имея веру несумненну и помысл чист, вся красная мира сего презрел еси, Тихоне блаженне, и в образе Ангельстем неленостно послужил еси Господу Богу: тем же, аки звезда путеводная, светиши всем, хотящим жити в преподобии и вопиющим тебе: Радуйся, житию безплотных поревновавый; Радуйся, подвигом древних святых отец подражавый. Радуйся, яко приим крест, Христу последовал еси; Радуйся, яко образ страстей Его в сердце твоем преднаписал еси. Радуйся, яко вся козни диавола силою креста Господня разрушил еси; Радуйся, яко похотения греховная молитвою и терпением победил еси. Радуйся, яко угождал еси Господу всяким благоугождением; Радуйся, преукрашенная храмино добродетелей. Радуйся, красото смиренномудрия и воздержания; Радуйся, образе кротости и послушания. Радуйся, постников веселие и иноков похвало; Радуйся, болий в лике преподобных. Радуйся, Тихоне, великий и преславный Чудотворче.

Кондак 4

Читайте также:  Имена по святцам для мальчиков

Бурю внутрь имея помышлений, недоумеваше раб Божий, что речет о нем Господь, егда людие проразумеваху его достойна быти святительства: обаче всего себе Христу Богу предаде. Тому о всех благодарение возсылая, зовый: Аллилуиа.

Икос 4

Слышавше людие о благоплодных добротах души твоея, Богоносне Тихоне, желанием вожделеша тя видети на степени святительства. Егда же собор Архиереев недоумеваше вдати тебе жезл пастырства, зане юн был еси, абие трикраты свыше свидетельствован еси, яко достойный сосуд Божественныя благодати, вся немощная врачующия и оскудевающая восполняющий.

Тем же, дивящеся чудному промышлению Бога о тебе, приносим ти сицевая благохваления: Радуйся, Архиерею, от Самого Господа пронареченный; Радуйся, мужу желаний, пасти стадо Христово свыше избранный. Радуйся, Пастыреначальника Иисуса благоволение; Радуйся, Иерархов украшение.

Радуйся, яко от утра жизни твоея на стражбу словеснаго стада избран был еси; Радуйся, яко и до вечера жития твоего сущия в вере неленостно назидал еси. Радуйся, пастырю добрый, яко готов был еси душу твою положити за овцы своя; Радуйся, многосветлый Церкве светильниче. Радуйся, Апостолов сопричастниче; Радуйся, великих святителей сопрестольниче.

Радуйся, яко первопрестольнику паствы твоея, Митрофану освященному, равночестен показался еси; Радуйся, яко преемником твоим верный ко спасению путеводитель соделался еси. Радуйся, Тихоне, великий и преславный Чудотворче.

Кондак 5

Боготечная звезда явился еси всем христианом, Святителю отче Тихоне: деянми бо и ученми твоими не точию во дни живота твоего добре назидал еси паству твою, но и по честнем успении твоем всем верным показуеши правы стези Царствия Христова, и научаеши присно взывати к Богу: Аллилуиа.

Икос 5

Видя себе поставлена на степени архиерейства, Святителю отче наш Тихоне, не дал еси сна очам твоим, ниже веждом дремания, поставляя пастве твоей пастыри смысленны и вся люди управляя ко спасению.

Мы же, ведуще тя быти пастыреначальника богомудренна и строителя дому Божия добра, взываем к тебе: Радуйся, крепкое кормило Христовы Церкве; Радуйся, нивы Господни удобрение. Радуйся, верных надежное утверждение; Радуйся, неверных богомудренное обличение.

Радуйся, Христова вертограда делателю неусыпный; Радуйся, душетленному зверю стадо твое расхищати не попустивый. Радуйся, храмов благолепия рачителю; Радуйся, верный тайн святых строителю.

Радуйся, яко стражей дому Божия на стражбу недремленну уготовал еси; Радуйся, яко пастырем проповедати благовременне и безвременне заповедал еси. Радуйся, благий и верный рабе Божий; Радуйся, яко вшел еси в радость Господа твоего. Радуйся, Тихоне, великий и преславный Чудотворче.

Кондак 6

Проповедник воистину благочестия явился еси, Святителю отче наш Тихоне, егда увидев безстудное празднество во граде твоем, яко добр воин Христов, притекл еси на игрище бесовское и словом вразумил еси заблуждшия, научая всех взывати Единому Истинному Богу: Аллилуиа.

Икос 6

Возсиял еси, яко звезда лучезарная, Воронежской пастве, блистанием учений твоих озаряя души верных и разгоняя тму нечестия и суеверия.

И ныне сладостию писаний твоих насыщаеши вся алчущия и жаждущия правды, иже благодарне и взывают к тебе: Радуйся, наставниче всех к небеси направляяй; Радуйся, проповедниче покаяния, заблуждших к исправлению воззываяй.

Радуйся, славы Божия истинный ревнителю; Радуйся, страннаго суеверия потребителю. Радуйся, яко душетленныя обычаи обличил еси; Радуйся, яко безстудное игрище упразднил еси. Радуйся, имже сатана посрамися; Радуйся, имже Христос прославися.

Радуйся, яко и по смерти твоей души верных назидаеши в благочестии сладостию писаний твоих; Радуйся, яко в них сокровище, драгоценнейшее злата и сребра, нам оставил еси. Радуйся, златоусте Российския Церкве; Радуйся, паствы твоей присное радование. Радуйся, Тихоне, великий и преславный Чудотворче.

Кондак 7

Хотяй невозбранно возноситися духом в горняя селения, благотишие пустыни возлюбил еси, Богоносе отче Тихоне, и тамо вселився, сподобился еси видети Господа, от иконы, аки от Голгофы, к тебе грядуща, вопия к Нему: Аллилуиа.

Икос 7

Новым подвигом духовным вдал еси себе, Богоносе отче Тихоне, егда всесовершительнаго Духа благодать призва тя служити Господеви в безмолвии: имый бо помысл превыше мира, возлюбил еси смирение глубокое и молитвы непрестанныя.

Сего ради и крепость духовную подаде тебе Подвигоположник Христос и сподоби тя видений благодатных, да и мы, ведуще таковая, ублажаем тя: Радуйся, любителю безмолвия, духом твоим в вышних обитавый; Радуйся, самоотвержение всецелое показавый. Радуйся, во бдениих и молитвах неослабно пребывал еси; Радуйся, безстрастие умерщвлением страстей твоих стяжал еси.

Радуйся, Господа распятаго на кресте выну пред собою предзревый; Радуйся, и телесныма очима видети Христа Иисуса сподобивыйся. Радуйся, яко пречистым стопам Его поклонился еси; Радуйся, яко спасительныя язвы Его облобызал еси. Радуйся, исполнь веселия, егда явися тебе Богоматерь купно со Апостолы; Радуйся, яко в славословии ликовствовал еси со Ангелы.

Радуйся, таинниче Божий, еще на земли вкусивый небесных благ; Радуйся, Ангеле земный и человече небесный. Радуйся, Тихоне, великий и преславный Чудотворче.

Кондак 8

Странно и велико незлобие показа, Преблаженный, егда един буий и злонравный удари его в ланиту; он же, Агнцу Христу поревновав, до земли поклонися биющему, моля Бога о прощении ему. Тем же дивящеся незлобию его, поем Богу: Аллилуиа.

Икос 8

Весь исполнь любве Христовы, Тихоне благосерде, душу твою полагал еси за други твоя, и аки Ангел Хранитель присущ был еси ближним же и дальным, озлобленныя укрощая, враждующия примиряя, и спасение всем устрояя.

Сего ради чтем святую память твою и усердно вопием ти: Радуйся, проповедниче любве, еюже Бог примири Себе человеки; Радуйся, Отче благосердый, взыскавый спасения многих. Радуйся, смирения и незлобия учителю; Радуйся, терпения и миролюбия наставниче.

Радуйся, яко за правду претерпел еси заушение; Радуйся, яко за враги твоя умолял еси Господа. Радуйся, егоже любовь победи всяку вражду; Радуйся, егоже незлобие покори буяя сердца. Радуйся, миротворче благословенный; Радуйся, мзду миротворцев наследивый.

Радуйся, научивый заповедем Христовым и сотворивый я; Радуйся, великий в Царствии Небеснем. Радуйся, Тихоне, великий и преславный Чудотворче.

Кондак 9

Всем был еси вся, якоже и святый Павел, да всяко некия спасеши, Богомудре: сразсуждая бо немощному естеству человеческому, не укорил еси брата твоего, неподобающия посту снеди ядуща, но абие седши купно с другом его, от трапезы тоя мало вкусил еси. Поминающе убо таковое благоснисхождение твое, вопием к прославльшемуся в тебе человеколюбцу Богу: Аллилуиа.

Икос 9

Ветии многовещанныя не возмогут по достоянию изрещи твоих благодеяний множество, Святителю отче Тихоне: щедродательная бо десница твоя всюду досязаше.

Мы же, благосердию твоему подражати хотяще, во удивлении взываем к тебе: Радуйся, лучу любве Божия; Радуйся, сокровище милосердия Спасова неистощимое. Радуйся, ближния твоя паче себе возлюбивый; Радуйся, в меньших братиях твоих самого Христа видевый.

Радуйся, яко нищия поминая, хлеб твой слешами орошал еси; Радуйся, яко питие твое плачем о них растворял еси. Радуйся, яко имения твоя неимущим расточал еси; Радуйся, яко щедродательная десница твоя николиже оскуде.

Радуйся, яко больныя и в темнице заключенныя посещал еси; Радуйся, яко нужды бедных предварял еси. Радуйся, словом и примером затворенныя на благостыню сердца отверзавый; Радуйся, милостивых блаженство от Господа стяжавый. Радуйся, Тихоне, великий и преславный Чудотворче.

Кондак 10

Спастися всем хотяй преблагий Господь яви тя, Святителю отче наш Тихоне, образ жития праведнаго: кто бо не умилится, видя твое безмерное ко всем благосердие. Тем же велию к нам милость Божию славяще, вопием: Аллилуиа.

Икос 10

Стена был еси помощи и заступления всем безпомощным и нападствуемым, Святителю Тихоне, и милосердия неистощимое сокровище. Сего ради славяще Бога, дивнаго во Святых Своих, и тя ублажаем: Радуйся, безкровных пристанище; Радуйся, всех безпомощных скорый помощниче. Радуйся, сирых питателю и призрение; Радуйся, скудных земледельцев снабдение.

Радуйся, скорбящим прибежище; Радуйся, печальным утешение. Радуйся, обидимым заступление; Радуйся, обидящих вразумление. Радуйся, угнетенным защитниче; Радуйся, сильным мира сего небоязненный Суда Божия провозвестниче. Радуйся, яко за правду претерпел еси скорби; Радуйся, яко стяжал еси блаженство гонимых ради правды.

Радуйся, Тихоне, великий и преславный Чудотворче.

Кондак 11

Пение у гроба твоего угодниче Божий, Святителю отче Тихоне, не умолче от дне блаженнаго успения до дне светлаго прославления твоего: мнози бо ведаху тя Богоносна и равноангельна суща. Ныне же вся Российская земля благодарно вопиет прославльшему тя Богу: Аллилуиа.

Икос 11

Светило быв, вся концы земли Российския озарил еси, Святителю приснопамятне.

Егда же приспе время отшествия твоего, Бо-жественнии Ангели прияша святую душу твою и в небесныя обители вознесоша; тело же твое честное Троица вседетельная содела нетленно и источник чудес показа на утверждение православныя веры, на обличение же неверия и суеверия.

Тем же, поминающе блаженное успение и велие твое на небеси и на земли прославление, с радостию приносим ти благохваления сия: Радуйся, великий угодниче Божий, течение благочестне скончавый; Радуйся, веру, надежду и любы до конца сохранивый.

Радуйся, по трудех странствия земнаго сладце в селениих небесных почивый; Радуйся, яко смерть приявый, тления же не познавый. Радуйся, со Христом, Егоже возлюбил еси, на веки соединивыйся; Радуйся, Царствия Небеснаго и славы вечныя наследниче.

Радуйся, яко нетлением мощей твоих спасительную силу воскресения Христова являеши; Радуйся, яко оным зарю общаго воскресения нам показуеши. Радуйся, истины православия несомненное уверение; Радуйся, в Церкви присущия благодати неложное извещение. Радуйся, земнаго отечества твоего новое светило и утверждение; Радуйся, царства православнаго покрове и защищение. Радуйся, Тихоне, великий и преславный Чудотворче.

Кондак 12

Благодать чудес многообразных, вселився в небеси, приял еси от Господа, преблаженне Тихоне. Сего ради подаеши исцеления всем, притекающим к тебе с верою. Мы же, дивящеся в тебе всемогуществу и благости Бога, вопием Ему: Аллилуиа.

Икос 12

Поюще дивное прославление святаго телесе твоего, видим тя, Богоблаженне Святителю Тихоне, присно зде источающа потоки чудес, и в удивлении восхваляюще тя, зовем: Радуйся, живоносный источниче, благодать исцелений изливающий нам от всечестныя раки твоея; Радуйся, всех одержимых недуги непостыдное прибежище. Радуйся, слепых прозрение; Радуйся, немых ясное глаголание. Радуйся, яко от одра разслабленныя воздвизаеши; Радуйся, яко стужаемыя от бесов свобождаеши. Радуйся, сухорукия и сляченныя к деланию исправляяй; Радуйся, хромым и ничащим хождение подаваяй. Радуйся, телес наших благосострадательный врачу и хранение; Радуйся, и душ наших к Царствию Небесному возведение. Радуйся, емуже сорадуются Ангели и о немже веселятся человецы; Радуйся, имже Бог дивен во Святых Своих является. Радуйся, Тихоне, великий и преславный Чудотворче.

Кондак 13

О великий и преславный Чудотворче, Святителю Христов отче Тихоне, приими сие похвальное пение от нас недостойных во умилении тебе приносимое, и твоим теплым предстательством у престола Божия испроси нам утверждение в вере и добрых делех, избавление от всех бед и напастей в жизни сей, в смертнем же успении нашем благую надежду спасения, да сподобимся в радости вечней воспевати дивному во Святых Богу: Аллилуиа.

(Этот кондак читается трижды, затем икос 1 и кондак 1)

Читайте также

© Михаил Чернов vsemolitva.ru

Источник: http://vsemolitva.ru/lib_acaf_208.html

Ссылка на основную публикацию